خدا کے دشمن! تُو رسولِ پاک  صَلَّی  اللہ   عَلَیْہِ وَاٰلِہٖ وَسَلَّم  سےایسی گستاخی کر رہا ہے؟خدا پاک کی قسم!اگر رسولِ اکرم  صَلَّی  اللہ   عَلَیْہِ وَاٰلِہٖ وَسَلَّم  یہاں نہ ہوتےتو میں ابھی اپنی تلوار سے تیرا سر اُڑا دیتا۔ یہ سُن کر آپ  صَلَّی  اللہ   عَلَیْہِ وَاٰلِہٖ وَسَلَّم  نے فرمایا:اے عمر!تم کیا کہہ رہے ہو؟ تمہیں تو یہ چاہئے تھا کہ مجھے قرض ادا کرنے کی ترغیب دے کر اسے نرمی کے ساتھ قرض کا تقاضا کرنے کاکہہ کر ہم دونوں کی مدد کرتے۔ پھر آپ  صَلَّی  اللہ   عَلَیْہِ وَاٰلِہٖ وَسَلَّم  نے حکم دیا:اے عمر!اس کو اس کے حق کے برابر کھجوریں دے دو اور کچھ زیادہ بھی دینا! حضرت عمر  رَضِیَ  اللہ   عَنْہُ  نے  جب حق سے زیادہ کھجوریں دیں تو زید بن سَعنہ نے کہا: اے عمر! میرے حق سے زیادہ کیوں دےرہے ہو؟ آپ رَضِیَ  اللہ   عَنْہُ  نے فرمایا : چونکہ میں نے ٹیڑھی نظروں سے دیکھ کر  تمہیں خوفزدہ کر دیا تھا، اسی لئے رسولِ خدا  صَلَّی  اللہ   عَلَیْہِ وَاٰلِہٖ وَسَلَّم  نے تمہاری دلجوئی کے لئے تمہارے حق سے کچھ زیادہ دینے کا مجھےحکم دیا ہے۔

 یہ سُن کر  زید بن سَعنہ نے کہا:اے عمر!کیا تم مجھے پہچانتے ہو؟ میں زید بن سَعنہ ہوں؟آپ رَضِیَ  اللہ   عَنْہُ  نے فرمایا: تم وہی زید بن سَعنہ ہو جو تورات کا بہت بڑا عالِم ہے،انہوں نے کہا: جی ہاں۔یہ سُن کر امیرُالمؤمنین حضرت عمر  رَضِیَ  اللہ   عَنْہُ   نے پوچھا: پھر تم نے حُضورِ پاک   صَلَّی  اللہ   عَلَیْہِ وَاٰلِہٖ وَسَلَّم  کے  ساتھ ایسی گستاخی کیوں کی؟تو  زید بن سَعنہ نے جواب دیا: اے عمر!اصل میں بات یہ ہے کہ میں نے تورات میں آخری نبی( صَلَّی  اللہ   عَلَیْہِ وَاٰلِہٖ وَسَلَّم )کی جتنی نشانیاں پڑھی تھیں ،ان سب کو میں نے ان کی ذات میں دیکھ لیا، مگر دو(2) نشانیوں کے بارے میں مجھے ان کا امتحان کرنا باقی رہ گیا تھا۔ ایک یہ کہ ان کی نرمی غالب رہے گی اور جس قدر زیادہ ان کے ساتھ جہالت و بُرائی  کاسُلوک کیاجائےگا،اتنی ہی ان کی نرمی بڑھتی جائے گی۔چنانچہ میں  نے اس ترکیب سے ان دونوں نشانیوں کو بھی ان میں دیکھ لیا ہےاور میں شہادت دیتا ہوں کہ یقیناً یہ سچے نبی ہیں۔اے عمر!میں بہت ہی مالدار آدمی ہوں،میں تمہیں گواہ بناتا ہوں کہ میں نے اپنا آدھا مال پیارےآقا( صَلَّی  اللہ   عَلَیْہِ وَاٰلِہٖ وَسَلَّم )کی اُمّت پر صدقہ کردیا۔پھر یہ بارگاہِ رسالت میں آئے اور کلمہ پڑھ کرمسلمان ہوگئے۔(دلائل النبوۃ