Book Name:Dar Sunana Sunnat e Anbiya Hai
د دوزخ ګرمي به څنګه برداشت کړے شو
* د الله پاک نبي حضرت داؤد عَلَیْهِ السَّلَام د الله پاک نه ډير ويردونکے وو، يوه ورځ هغوئي د تنور پۀ خوا تيريدلو، پۀ هغې کښې وور بليدو، پۀ دې ليدلو هغوئي ته د دوزخ وور ورياد شو، هغوئي پۀ زړۀ کښې ويريدل، بے قراره شو او پۀ زمکه يـې تشريف راوړو او دومره ولړزيدو، نزدې وه چې د هغوئي جوړونه جدا شوي وو * پۀ ګرمۍکښې چې به کله حضرت داؤد عَلَیْهِ السَّلَام غرمو ته شو نو وئيل به يـې: اے الله پاکه! مونږ ستا د جوړ کړے شوي نمر ګرمي نشو برداشت کولے نو د دوزخ ګرمي به څنګه برداشت کړے شو؟ ([1])
اَللہُ اَکْبَر! خوږو او محترمو اِسلامي وروڼو! غور وکړئ چې دا د الله پاک نبي دے، معصوم دے، د ګناهونو نه يقيناً چې پاک دے، پوخ جَنَّتي دے، پته نۀ لګي چي د څومره خلقو جنت د تللو باعث به جوړيږي، د دې باوجود به يـې دوزخ څنګه هميشه د سترګو د وړاندې ساتلو۔ کاش چې زمونږ هم دا سعادت نصيب شي۔ کاش چې مونږ هم دوزخ هميشه د سترګو د وړاندې لرونکي جوړ شو۔
اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم
خوږ آقا صَلَّى اللهُ عَلَيْهِ وَاٰلِهٖ وَسَلَّم به د دوزخ نه ويرول کول
خوږو او محترمو اِسلامي وروڼو! مونږ حديثِ پاک واوريدو، خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ خطبه کښې وفرمائيل: خلقو۔۔۔!! جَنَّت هم ياد ساتئ، دوزخ هم ياد ساتئ۔۔۔!!
د دې ځائے نه مونږ ته معلومه شوه چې زمونږه آقا او مولیٰ، رسولِ خُدا صَلَّى اللهُ عَلَيْهِ وَاٰلِهٖ وَسَلَّم چې به کوم بيانونه کول، د هٰغه بيانونو پۀ موضوعاتو کښې به د الله پاک نه د ويريدو