دلته هم بعضې خلق پۀ داسې کارونو کښې محنت کوي، کار بالکل فضول دے، بے فائدې دے، نۀ پۀ هغې کښې د دُنيا څه فائده شته او نۀ پکښې د اخرت خو پۀ هغې کښې محنت داسې کوي چې ډير ښۀ ښۀ خلق پۀ هغې باندې رشک کوي۔ د داسې محنت هيڅ فائده نشته، محنت پۀ هٰغه کارونو کښې وکړئ کوم چې پۀ دُنيا کښې هم کاميابي درکړي او پۀ اخرت کښې مو هم د بيړۍ پورې وتلو سبب جوړ شي۔ ځکه محنت کوئ!    فِیْ سَبِیْلِہٖ يعنې د الله پاک پۀ لاره کښې!

دا درې اُصُول دي: (1): تقویٰ (2): وسیله (3): محنت فِی سَبِیلِ اللہ۔ دا 3 اُصُول چې اِختيار کړئ نو څۀ به ميلاؤيږي؟ الله پاک فرمائي:  

لَعَلَّكُمْ تُفْلِحُوْنَ

ترجمهٴ کنزُ العِرفان: پۀ دې اُميد چې تاسو کاميابي بيامومۍ۔

* پۀ دُنيا کښې * پۀ اخرت کښې * پۀ دې ژوند کښې * د مرګ نه پس والا ژوند کښې * د ژوند پۀ هر ميدان کښې * پۀ قبر کښې * پۀ حشر کښې * پۀ ميزان باندې * پۀ پل صِراط باندې پۀ هر ځائے کښې به مو کاميابي نصيب شي۔

وسيله څۀ ده؟

خوږو او محترمو اِسلامي وروڼو! د کاميابۍ دا درې اُصُول هم پۀ خپل ځائے باندې ډير اهميت لري، البته پۀ دې کښې يو اُصُول پۀ کوم کښې چې عام طور غفلت کولے شي او بعضې خلق خو پۀ دې لړ کښې د وسوسو هم ښکار کيږي، هغه اُصُول دے: وسيله۔ پۀ دې آيت مبارک کښې الله پاک صفا صفا اِرشاد فرمائيلے دے:

وَ ابْتَغُوْۤا اِلَیْهِ الْوَسِیْلَةَ

ترجمهٴ کنزُ العِرفان: او د هغۀ طرف ته وسيله ولټوئ۔

د وسيلې معنیٰ ده: کُلُّ مَا یُتَوَسَّلُ بِہٖ اِلَی اللہِ يعنې هر هٰغه څيز يا کار د کوم پۀ ذريعه چې د