خِدمت پۀ برکت هغۀ ته عزت او شان عطا کولے شي۔ ^([1])

د پِير ضروت هر چا ته دے

خوږو او محترمو اِسلامي وروڼو! الله پاک فرمائي:

یٰۤاَیُّهَا الَّذِیْنَ اٰمَنُوا اتَّقُوا اللّٰهَ وَ ابْتَغُوْۤا اِلَیْهِ الْوَسِیْلَةَ (پارہ: 6، سورۀ المَائدة:35)

ترجمهٴ کنزُ العِرفان: اے ايمان والؤ! د الله نه ويريږئ او د هغه طرف ته وسيله ولټوئ۔

د قرآنِ کريم مشهور مفسر، حکيم الاُمّت مفتي احمد يار خان نعيمي رَحْمَةُ اللهِ عَلَيْه د دې آيت لاندې فرمائي: پۀ دې آيت کښې د تقویٰ نه پس د وسيلې لټولو حکم وکړے شو او ووئيلے شو چې يو پرهيزګاره د تقویٰ يوې درجې ته پۀ رسيدو د وسيلې نه بے نيازه کيدے نشي، ځکه يو پرهيزګاره مسلمان دې دا نۀ ګڼي چي زۀ خو پرهيزګاره شوم اوس ما ته الله پاک ته د رسيدو د پاره د څۀ وسيلې ضروت نشته، لکه څنګه چې هر يو مؤمِن د اعمالو او تقویٰ حاجت مند دے هم دغه شان هر يو پرهيزګاره د وسيلې (يعنې پِير) محتاج دے۔ ^([2])

اَللہُ اَکْبَر! معلومه شوه چې که انسان پۀ نيک اعمالو کولو هر څومره اوچت مقام ته هم رسيدلے وي، که هغه د الله پاک قُرب حاصلول غواړي نو هغه به ځانله څوک پِير جوړوي ، د پير نه بغير پۀ دې لاره خپل منزل ته رسيدل تقريباً چې ممکن نۀ دي۔ وګورئ چې حُضُور غوثِ پاک رَحْمَةُ اللهِ عَلَيْه څومره لوئي وليُّ الله وو، هغوئي پيدائشي ولي دے، هغوئي دُنيا ته د تشريف راوړو سره د خپلې د دې دُنيا د ژوند پۀ وړومبۍ ورځ روژه ونيوله، څومره متقي او پرهيزګاره، عبادت ګزاره وو، د دې عزت او بزرګۍ باوجود هغوئي پِير د پير بيعت اوکړو، داتا حُضُور رَحْمَةُ اللهِ عَلَيْه هم پيدائشي ولي وو، هغوئي هم د پير بيعت اوکړو، اعلیٰ حضرت، امامِ اهلِسُنَّت شاه امام احمد رضا خان رَحْمَةُ اللهِ عَلَيْه هم پيدائشي ولي وو، هغوئي هم