د کاميابۍ درې اُصُول

Al Quran Books Madani Channel

Magazine Courses Media

عبد الملک بن حيان بيا د هغۀ خِيټه چيک کړه نو پۀ حيرانتيا سره يـې ووئيل: مَابِکَ عِلَّةٌ اوس ستا هيڅ مرض نشته۔ ^{(^[1])}

سُبْحٰنَ اللہ! څومره مُجَرَّبه نُسخه ده۔ مونږ هم دا نُسخه اِختيارولے شو، که څۀ مشکل وي، څۀ پريشاني وي، هر قِسمه سخته وي، د الله پاک پۀ حُضُور کښې حاضر شئ او د محبوبِ کريم صَلَّى اللهُ عَلَيْهِ وَاٰلِهٖ وَسَلَّم وسيله پيش کړئ! د هغوئي ښودلے شوې دُعا وکړئ! اِنْ شَآءَ اللہُ الْکَرِیم! کاميابي به مو نصيب شي۔ د حاجت پۀ دې نـمونځ کولو او دُعا کولو کښې بس د دې يوې خبرې خيال ساتئ چې رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم د يَا مُحَمَّد پۀ اواز سره رابلل منع دي۔ داسې قِسمه دُعاګانې کومې چې پۀ حديثونو کښې راغلې دي او پۀ هغې کښې يَا مُحَمَّد لفظ هم راغلے دے، علمائے کرام فرمائي: پۀ داسې ځايونو کښې ادب دا دے چې مونږ د يَا مُحَمَّد پۀ ځائے يَا رَسُولَ الله ووايو۔ ^{(^[2])} ظاهره ده چې مونږ واړۀ خلق يو، مونږ خو نبي کريم صَلَّى اللهُ عَلَيْهِ وَاٰلِهٖ وَسَلَّم پۀ نوم اخستو سره نشو رابللے! مونږ ته خو ادب کول پکار دي او ادب پۀ دې کښې دے چې رسولِ اکرم، نورِ مُجَسَّم صَلَّى اللهُ عَلَيْهِ وَاٰلِهٖ وَسَلَّم پۀ نوم باندې د رابللو پۀ ځائے پۀ مختلفو ښکلو ښکلو لقبونو سره راوبللے شي۔ الله پاک دې مونږ ټولو ته د عِلم او د عمل او د ادب کولو توفيق راعطا کړي۔

اٰمِیْن بِجَاہِ النَّبِیِّ الْاَمِیْن صَلَّی اللہ تَعَالٰی عَلَیْہِ وَاٰلہٖ وَسَلَّم۔

د اوليائے کرامو د تبرکاتو فيضان

خوږو او محترمو اِسلامي وروڼو! د قرآني آيتونو او د حديثونو مبارکو نه دا خبره بالکل واضحه شوه چې د الله پاک پۀ حضور کښې وسيله پيش کول بالکل جائز ده، د دې پۀ برکت پۀ هر ميدان کښې کاميابي حاصليږي۔ لکه څنګه چې د انبيائے کرامو علَيهِمُ السَّلام

[1]... موسوعہ ابن ابی الدنیا، کتاب مجابی الدعوۃ، جلد:2، صفحہ:379، رقم:127۔

[2]... فتاوی رضویہ، جلد:30، صفحہ:157 خلاصۃً۔

Important

Mobile Apps

Contact Us