خوږو او محترمو اِسلامي وروڼو! غور وکړئ چې هٰغه د شان والا غوثِ پاک رَحْمَةُ اللهِ عَلَيْه چې د کرم نظر وکړي نو د اِنابت درجې ته رَسَوَل کوي، هغه به پخپله د څومره اوچتې مرتبې والا مُنِيب (يعنې د الله پاک طرف ته رجوع کوونکے) وي۔ الله پاک فرمائي:

وَّ اتَّبِـعْ سَبِیْلَ مَنْ اَنَابَ اِلَیَّۚ-(پارہ:21، سورۂ لقمان:15)

ترجمهٴ کنزُ العِرفان: او زما طرف ته د رجوع کوونکي کَس پۀ لاره ځه۔

يقيناً چې حُضُور غوثِ پاک رَحْمَةُ اللهِ عَلَيْه هم د الله پاک طرف ته رجوع کوونکے دے، ځکه مونږ له هم پکار دي چې د هغوئي د ښکلي ښکلي، د نُور نه د ډک سيرت نه رڼا حاصله کړو او د هغوئي اداګانې زده کړو، هغه پۀ خپل ژوند کښې عملي طور اختيار کړو او د ښۀ کردار والا مسلمان جوړيدو کوشش وکړو۔ الله پاک دې مونږ ته د عمل کولو توفيق راعطا کړي۔ راځئ چې د غوثِ پاک رَحْمَةُ اللهِ عَلَيْه د يو څو ښکلو ښکلو اداګانو د اوريدو سعادت حاصل کړو:

د خوږ محبوب صَلَّى اللهُ عَلَيْهِ وَاٰلِهٖ وَسَلَّم لاسونه يـې ښکل کړل

پۀ تَفرِيح الخاطر کښې دي: يو ځل حُضُور غوثِ پاک رَحْمَةُ اللهِ عَلَيْه مدينے منورې ته حاضر شو، تر 40 ورځو پورې به پۀ مواجهه شريف (يعنې د خوږ محبوب صَلَّى اللهُ عَلَيْهِ وَاٰلِهٖ وَسَلَّم د مخ مبارک طرف ته) حاضريدو، لاس پۀ نامه به يـې عرض کولو:

ذَنُوبِیْ کَمَوْجِ الْبَحْرِ بَلْ ہِیَ اَکْثَر                                                                                          کَمَثَلِ الْجِبَالِ الشَّمِ بَلْ ہِیَ اَکْبَر

وَ لٰکِنَّہَا عِنْدَ الْکَرِیْمِ اِذَا عَفَا                                                                                                 جَنَاحٌ مِنَ الْبَعُوضِ بَلْ هِيَ اَصْغَرُ

ترجمه: يا رسولَ الله صَلَّى اللهُ عَلَيْهِ وَاٰلِهٖ وَسَلَّم! زما ګناهونه د سمندر د چپو همره بلکې د هغې نه هم زيات دي، د مضبوط غر همره بلکې د هغې نه هم غټ دي خو کريم چې يې کله معاف کړي نو د دغه ګناهونو حيثيت د ماشي د وزر برابر بلکې د دې نه هم کم پاتې شي۔