کښې به يـې کښينولو۔ يو ځل د هغوئي پۀ خدمت کښې عرض وکړے شو: حُضُور! آيا ستاسو پۀ شاګردانو کښې نيکان او ګنهګاران ټول راجمع دي؟ اوئې فرمائيل: آؤ! نيکان زما د پاره دي او د ګنهګارانو د پاره زۀ يم۔

سب کا کوئی نہ کوئی دنیا میں آسرا ہے                                               میرا بجز تمہارا کوئی نہیں سہارا

 * غوثُ الاعظم رَحْمَةُ اللهِ عَلَيْه به پۀ جنازو کښې شرکت کولو * ډير سخي وو، ټولو ته به يـې عطا کوله * ډير خاموشه اوسيدونکے وو * ډير حيا دار وو * څوک چې به هم د هغوئي خوا له راتلل نو هغوئي له به يـې عزت ورکولو * که د هغوئي خادم به ستړے وو نو هغۀ له به يـې د ارام موقع ورکوله، پخپله به بازار ته تللو او سودا به يـې راوړله * چې سفر به يـې کولو نو ورسره چې به کوم خادم يا غلام يا مريدان وو هغوئي ته به يـې ارام رسولو، پخپله به يـې غنم وړۀ کول، پخپله به يـې وړۀ اخکل، پخپله به يـې ډوډۍ پخوله او د سفر پۀ ملګرو خادمانو، غلامانو باندې به يـې ډوډۍ خوړله * پۀ کور والؤ باندې هم ډير مهربانه وو، کله چې به يـې هم کور ودانې محترمه ناروغه وه نو د کور کارونه به يـې پخپله کول۔

سُبْحٰنَ اللہ! خوږو او محترمو اِسلامي وروڼو! دا څومره ښکلې ښکلې اداګانې دي، کاش چې مونږ هم دا اداګانې اختيار کړو، پۀ نورو باندې شفقت وکړو، همدردي وکړو، د هر يو پۀ کار راشو، چې څومره رانه کيدے شي نو نورو ته فائده رسوو، عاجزي کوو، د عام بنده پۀ شان ساده ژوند تيروو، زمونږ د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم انداز مبارک هم دا وو، نبي کريم صَلَّى اللهُ عَلَيْهِ وَاٰلِهٖ وَسَلَّم ډيرې عاجزۍ کولو والا وو، د کور سامان به يـې پۀ خپلو اوګو مبارکو باندې  راوړلو، پۀ کار کښې به يـې د کور والؤ مدد کولو۔ دا ټول کارونه مونږ له هم کول پکار دي۔

افسوس چې نن سبا خلق شرم محسوسوي، خلق خپل کارونه کول هم خپله بے عزتي