چې شيطان پۀ کومه عجيبه طريقه ګزار وکړو، غوثِ پاک رَحْمَةُ اللهِ عَلَيْه ته معلومه شوه چې دا شيطان لعين دے۔ بيا هٰغه بد بخته پۀ تلو تلو کښې هم د ګزار نه منع نۀ شو، پۀ روانه روانه کښې وائي: اے عبد القادره! تۀ ستا عِلم بچ کړې۔ غوثِ پاک رَحْمَةُ اللهِ عَلَيْه خپل ځان ته نۀ کتل، پۀ ځان خوښۍ کښې نۀ اخته کيدو، نو هغوئي د شيطان دا ګزار هم ناکامه کړو او اوئې فرمائيل: اے مردوده! زۀ زما عِلم نۀ بلکې د الله پاک فضل بچ کړے يم۔ دا انداز مونږ له هم اختيارول پکار دي۔ که پۀ ځان خوښۍ کښې اخته شوۍ، * زۀ نـمونځ ګزاره يم * زۀ حاجي يم * زۀ قاري يم * زۀ تعليم يافته يم * زما سره عِلم دے * زۀ فلانکے يم۔ پۀ دې زۀ زۀ کښې اخته شوۍ نو بيا پوهه شئ چې د کار نه ووتۍ۔

 پۀ هلاکت کښې غورځوونکي درې څيزونه

حديثِ پاک کښي دي چي: درې څيزونه پۀ هلاکت کښې غورځوونکي دي: (1): بخل چي پيروي يې وکړې  (2): د نفس خواهش چي  تابعداري يې وکړے شي او (3): د انسان ځان ښه ګڼل۔ ^([1])

   الله پاک دې مونږ د هلاکت نه محفوظ کړي۔ د ځان خوښۍ او د نورو باطني بيمارو نه دې راته نجات راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

د غوثِ پاک رَحْمَةُ اللهِ عَلَيْه يو څو نورې ښکلې اداګانې

خوږو او محترمو اِسلامي وروڼو! د حُضُور غوثِ پاک رَحْمَةُ اللهِ عَلَيْه پۀ ښکلو اداګانو کښې دا هم دي چې * هغوئي به د ډيرې اوچتې مرتبې لرلو باوجود د ماشومانو سره کيناستو، د غريبانانو او د فقيرانو سره به يـې پۀ کيناستو کښې شرم نۀ محسوسولو * خلقو له به يـې ښې مشورې ورکولې * که نيک به وو او که بد، ټولو له به يـې عزت ورکولو، پۀ خپله بارګاه