Peerane Peer ki Piyari Adain

Al Quran Books Madani Channel

Magazine Courses Media

پیارے اسلامی بھائیو! دیکھئے! حُضُور غوثِ پاک رحمۃُ اللہ علیہ کیسے سخی ہیں، ایک غریب کی حالتِ زار دیکھی تو گوارہ نہ ہوا، فورًا اس کی مدد فرمائی۔ ہمیں بھی چاہیے کہ سخاوت اختیار کریں۔ اللہ پاک نے جتنا عطا فرمایا ہے، اس میں جتنی آسانی ہو، کچھ نہ کچھ حصّہ صدقہ و خیرات کا بھی ضرور رکھا کریں، سخاوت کیا کریں۔ اور عرض کر دوں: سخی ہونے کے لیے بڑی تجوری نہیں، بڑے دِل کی ضرورت ہے۔ بہت لوگ ہیں، جن کی تجوریاں بڑی بڑی ہیں مگر دِل چھوٹے چھوٹےہیں، لہٰذا مال اگرچہ کم ہو، دِل بڑا رکھئے! اِنْ شَآءَ اللہ الْکَرِیْم! سخاوت کی دولت نصیب ہو گی۔ اس کے فضائل کیا ہیں؟ سنیے! *حدیثِ پاک میں ہے: سخاوت جنّت کے درختوں میں سے ایک درخت ہے، جس کی ٹہنیاں زمین کی طرف جُھکی ہوئی ہیں، جو شخص ان میں سے کسی ایک ٹہنی کوپکڑ لیتا ہے ،وہ اسے جنّت کی طرف لے جاتی ہے۔^{(^[1])}* محبوبِ خُدا صَلَّی اللہ عَلَیْہِ وَ آلِہٖ وَ سَلَّم نے ارشاد فرمایا:سخی کی غَلَطی معاف کرو ، کیونکہ جب بھی وہ غلطی کرتا ہے تو اللہ پاک اس کاہاتھ پکڑ لیتا ہے^{(^[2])}یعنی اللہ پاک اس کا مددگار ہوتاہے کہ اُسے ہلاکت میں پڑنے سے بچا لیتا ہے۔^{(^[3])}* ایک روایت میں ہے: جنّت سخیوں کا گھر ہے۔^{(^[4])}*فرمانِ مصطفےٰ صَلَّی اللہ عَلَیْہِ وَ آلِہٖ وَ سَلَّم :سخی اللہ پاک کے قریب ہے، جنّت کے قریب ہے، لوگوں کے قریب ہے، آگ سے دور ہے ۔^{(^[5])}

[1]... شعب الایمان ، باب فی الجودو السخاء ،جلد:7، صفحہ:435،حدیث :10875۔

[2]... شعب الایمان ، باب فی الجودو السخاء ،جلد:7،صفحہ:433، حدیث :10867۔

[3]... اتحاف السادة المتقین،جلد:9، صفحہ:725ملخصاً ۔

[4]... فردوس الاخبار،جلد:1، صفحہ:333، حدیث:2430۔

[5]... ترمذی، کتاب البر والصلۃ، باب ما جاء فی السخاء، صفحہ:479، حدیث:1961۔

Important

Mobile Apps

Contact Us