سے ہدیۃً طلب کیجئے۔دعوت ِ اسلامی کی ویب سائٹ www.dawateislami.net سے آپ ان کہانیوں کو پڑھ بھی سکتے ہیں، ڈاؤن لوڈ بھی کر سکتے ہیں اور اس کا پرنٹ بھی نکال سکتے ہیں۔ ان رسائل کے نام یہ ہیں (1) نور والا چہرہ (2) فرعون کا خواب (3) بیٹا ہو تو ایسا (4)جُھوٹا چور (5)دُودھ پیتا مدنی مُنّا

صَلُّوْا عَلَی الْحَبِیْب!                                                                                      صَلَّی اللّٰہُ  عَلٰی مُحَمَّد

پیارے اسلامی بھائیو! بغداد پہنچ کر حُضُور غوثِ پاک رَحْمَۃُ اللہِ عَلَیْہ  نے وقت کے مشہور و معروف اور انتہائی ماہر اُستادوں سے عِلْمِ دین حاصل کِیا،آپ   رَحْمَۃُ اللہِ عَلَیْہ  کو عِلْمِ دین سے اس قدر محبت تھی کہ آپ رَحْمَۃُ اللّٰہ ِ عَلَیْہ نے بھوک اور تکالیف برداشت کرکے بھی علم حاصل کِیا۔آئیے! اسی مناسبت سے آپ  رَحْمَۃُ اللہِ عَلَیْہ  کی عِلْمِ دین سے محبت اور اس کی راہ میں آنے والی مشکلات پر صبر کے بارے میں سنتے ہیں۔چُنانچہ

فاقہ کشی اور صبر

حضرت  ابو بکرتمیمیرَحْمَۃُ اللّٰہ ِ عَلَیْہ بیان کرتے ہیں  کہ حُضُورغوثِ پاک  رَحْمَۃُ اللہِ عَلَیْہ  خُود فرماتے ہیں: ایک دفعہ  بغداد  میں خشک سالی ہوگئی،جس کی وجہ سے مجھے بہت تنگدستی اورآزمائش کا سامنا کرنا پڑا اور کئی روز تک مجھےکھانے کے لئے کچھ نہ مِلا۔ ایک دن بھوک کی شِدّت کی وجہ سے میں دریائے دِجْلَہ کی طرف گیا تاکہ وہاں  ساگ یا کسی سبزی کے پتّے کھا سکوں، مگر جہاں جاتا وہاں مجھ سے پہلے کئی فقراء موجود ہوتے اور اگر کوئی چیز اُن کو ملتی تو اُس پر سب کا رش ہوتا، میں شہر لوٹ آیا  کہ وہاں کوئی چیز تلاش  کروں،لیکن وہاں بھی کچھ نہیں مِلا،بالآخر میں بھوک سےنڈھال ہوکرمسجد کےایک گوشے میں بیٹھ گیا،ابھی تھوڑی ہی دیر گزری تھی کہ ایک غیرِ عربی نوجوان روٹی اور بُھنا ہوا گوشت لے کر مسجد میں داخل ہوا اورکھانا کھانے لگا، آپ رَحْمَۃُ اللہِ عَلَیْہ  فرماتے  ہیں :اس کے ہر لقمہ پر بھوک کی شِدّت سے میرا مُنہ کھل جاتا ، لیکن میں نے اپنے نفس کو اس حرکت پرسمجھایا، اتنے میں اس نے میری طرف دیکھا اورکھانا لا کر مجھے پیش کِیا،اُس نے مجھ سے