اورکاروبار کے لیے تواولاد کو مال و دولت دیتے ہیں،لیکن دِینی تعلیم میں مدد نہیں کرتے۔

اس واقعے سے یہ بھی معلوم ہوا کہ حُضُور غوثِ پاک رَحْمَۃُ اللہِ عَلَیْہ  سچّائی کے کس قدر پیکر تھے کہ آپ  نے اپنی عُمر کے کسی حِصّے میں بھی جُھوٹ کا سہارا نہ لیا ،اپنے تمام مُعاملات کی بُنیاد سچّائی اور دیانتداری پر رکھی جس کی ایک بڑی وجہ آپ   کی نیک سیرت والدہ حضرت   اُمُّ الخیر فاطمہ رَحْمَۃُ اللّٰہِ عَلَیْہَا  کی عُمدہ تَرْبِیَت بھی ہے،جیساکہ ہم نے سُنا کہ آپ رَحْمَۃُ اللّٰہ ِ عَلَیْہ  کی والدہ ٔماجدہ نے آپ  سے ہمیشہ سچّائی پر قائم رہنے کا عہد لیا،لہٰذا ہمیں بھی چاہیے کہ ہم اپنے بچّوں کی اسلامی تَرْبِیَت کریں ،خُود بھی ہمیشہ سچ بولیں اور اُنہیں بھی بچپن ہی سے سچ بولنے کی ترغیب دیں۔

ہمارے پیارے آقا،مکی مدنی مُصْطَفٰے  صَلَّی اللّٰہُ عَلَیْہِ واٰلِہٖ وَسَلَّمَ نے جُھوٹ سے بچنے اور سچائی کا راستہ اختیار کرنے کی تاکید کرتے ہوئے ارشاد فرمایا:سچائی کو لازم کرلو، کیونکہ سچائی نیکی کی طرف لے جاتی ہے اور نیکی جنت کا راستہ دکھاتی ہے۔آدمی برابر سچ بولتا رہتا ہے اور سچ بولنے کی کوشش کرتا رہتا ہے، یہاں تک کہ وہ اللہ پاک کے نزدیک بہت سچ بولنے والا لکھ دیا جاتا ہے اور جُھوٹ سے بچو، کیونکہ جُھوٹ گُناہ کی طرف لے جاتا ہے اور گُناہ جہنّم کا راستہ دکھاتا ہے اور آدمی برابر جُھوٹ بولتا رہتا ہے اور جُھوٹ بولنے کی کوشش کرتا ہے، یہاں تک کہ وہ اللہ پاک کے نزدیک بہت جُھوٹا لکھ دیا جاتا ہے۔^([1])

پیارے اسلامی بھائیو! اَلْحَمْدُ لِلّٰہ شیخِ طریقت، امیرِ اہلسنّت، بانیِ دعوتِ اسلامی حضرتِ علامہ مولانا محمد الیاس عؔطار قادری رضوی ضیائی دَامَتْ بَـرَکاتُہُمُ الْعَالِیَہ نے بچّوں اور بڑوں کی مدنی تَرْبِیَت کیلئے سچی کہانیاں لکھی ہیں،جن میں بہت ہی پیارے پیارے عنوانات ہیں، انداز بھی بہت آسان رکھا ہے تا کہ بچے بھی آسانی سے سمجھ سکیں ،ان رسالوں میں انتہائی عُمدہ صفحات استعمال کرنے کے علاوہ جگہ جگہ تصویری خاکے بھی بنائے گئے ہیں تا کہ بچّوں کوپڑھنے میں دِلچسپی ہو،بچّوں کی یہ کہانیاں مکتبۃُ المدینہ