Book Name:Ustad Ke 3 Huqooq
نبيِ ڪريم، رؤوف الرحيم صَلَّى اللّٰهُ عَلَيۡهِ واٰلِهٖ وَسَلَّم جيڪي ڪائنات جا مُعلم (استاد) آهن، سڄي مخلوق جا استاد آهن، هن آيتِ ڪريمه ۾ پاڻ صَلَّى اللّٰهُ عَلَيۡهِ واٰلِهٖ وَسَلَّم جو هڪ حق بيان ڪيو ويو آهي ته اي ايمان وارؤ...!! محبوب صَلَّى اللّٰهُ عَلَيۡهِ واٰلِهٖ وَسَلَّم توهان کي جڏهن به سڏين، سڀ ڪم ڇڏي فوراً خِدمتِ اَقدس ۾ حاضر ٿي وڃو...!! ڇو ته پاڻ سڳورا صَلَّى اللّٰهُ عَلَيۡهِ واٰلِهٖ وَسَلَّم قرآن ڪريم سيکاري، عِلمِ دين پڙهائي توهان جي رُوح کي زندگي بخشڻ وارا آهن.[1]
فرمانِ مصطفيٰ صَلَّى اللّٰهُ عَلَيۡهِ واٰلِهٖ وَسَلَّم
پياري آقا، مڪي مدني مصطفيٰ صَلَّى اللّٰهُ عَلَيۡهِ واٰلِهٖ وَسَلَّم فرمايو: عِلم سکو ۽ عِلم جي لاءِ ادب ۽ احترام سکو، جنهن توهان کي عِلم سيکاريو، ان جي سامهون عاجزي اختيار ڪريو.[2]
پيارا اسلامي ڀائرو! چوندا آهن: استاد بادشاھ ناهي هوندو، پر بادشاھ بڻائي ڇڏيندو آهي۔ ان ۾ ڪو شڪ ناهي ته استاد جا شاگرد تي بيشمار احسان هوندا آهن۔ ان ڪري استاد جا حق به تمام گهڻا آهن۔ اڄ اسان استاد جا 3 حق سکڻ جي سعادت حاصل ڪنداسين۔