Book Name:Waseely Ki Barkatain
معنیٰ ده: کُلُّ مَا یُتَوَسَّلُ بِہٖ اِلَی اللہِ يعنې هر هٰغه څيز يا کار د کوم پۀ ذريعه چې د الله پاک قُرب حاصل کړے شي۔([1])
يقيناً چې انبيائے کرام علَيهِمُ السَّلام، اوليائے کرام رَحْمَةُ اللهِ عَلَيْهم، د الله پاک نيکان بندګان هم د الله پاک د قرب موندلو ذريعه ده، د هغوئي محبت، د هغوئي سره مينه د الله پاک قُرب ورکوي۔ البته چې کوم نيک اعمال دي، دا هم يوه وسيله ده۔ آؤ جي! هره هٰغه هستي، هر هٰغه کار، هره هٰغه څيز کوم چې الله پاک ته د نزدې کيدو ذريعه ده، هغه وسيله جوړولے شې۔ مثلاً * پۀ نـمونځ کولو سره الله پاک ته نزدې کيږي، ځکه دا هم يوه وسيله ده * پۀ روژو نيولو د الله پاک قُرب نصيب کيږي، دا هم يوه وسيله ده * پۀ زکوٰة ورکولو * پۀ صدقه او خيرات کولو * پۀ حج کولو * پۀ عمرې کولو * تِلاوت کولو * د ذِکر او درود پۀ ذريعه * غرض دا چې د هر نيک کار پۀ ذريعه د الله پاک قُرب نصيب کيږي، لهذا هر نيک کار يوه وسيله ده، هم داسې * د الله پاک د نيکانو بندګانو پۀ ادب کولو * د هغوئي سره پۀ محبت لرلو * د هغوئي پۀ بارګاه کښې پۀ حاضريدو * د هغوئي پۀ زيارت کولو * د هغوئي پۀ ذِکر کولو د الله پاک رحمتونه نصيب کيږي، زړۀ روښانه کيږي، د دننه تور والے پاکيږي او د الله پاک قُرب نصيب کيږي، لهذا دا د الله پاک نيکان بندګان، نبيان وَليان ټول وسيلې دې۔
د غار نه نجات څنګه حاصل شو۔۔۔؟
تاسو يقين وکړئ چې وسيله دومره د کمال څيز دے چې بعضې وخت داسې کارونه کوم چې پۀ ظاهره ډير مشکل بلکې ناممکنه پۀ نظر راځي، د وسيلې پۀ برکت داسې مشکلات هم حل کيږي۔ پۀ بُخاري شريف کښې حديثِ پاک دے، زما او ستاسو خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د تيرو اُمتونو د دريو کسانو واقعه بيان کړه،