وضاحت: پۀ مونږ باندې د قرآنِ کريم يو حق دے التَّخَلُّق بِأَخْلَاقِهِ، وَالتَّأَدُّب بِآدَابِهِ يعنې پۀ دې کښې بيان کړے شوي اخلاق او آداب اختيارول۔ ^([1]) پۀ قرآنِ کريم کښې دي:

وَ هٰذَا كِتٰبٌ اَنْزَلْنٰهُ مُبٰرَكٌ فَاتَّبِعُوْهُ

(پارہ:8، سورۀ الانعام :155)

ترجمهٴ کنزُ العِرفان : او دا برکت والا کتاب دے کوم چې مونږه نازل کړے دے، نو تاسو د دې تابعداري وکړئ۔

پۀ تفسير صراط الـجنان کښې دي: د دې نه معلومه شوه چې د قرآنِ مجيد يو حق دا دے چې د دې مبارک کتاب تابعداري وکړے شي او د دي د احکامو د ماتولو نه ځان بچ کړے شي۔ ^([2])

دريم حق: د قرآنِ کريم تعظيم کول

وضاحت: د قرآنِ کريم دريم حق د زړۀ نه د دي تعظيم کول دي۔ د قرآنِ کريم تعظيم کول فرض دي ^([3]) او سپکاوے يـې کُفر دے۔ ^([4]) د قرآنِ کريم د تعظيم طريقې: * مثلاً د تلاوت کولو نه پس دا پۀ صفا سوترا او ښه غِلاف [يعنې رومال وغيره] کښې رانغښتل او پۀ اوچت ځائے کښې کيښودل * چې څومره درنه کيدے شي نو پۀ ښه اواز کښې د دي تلاوت وکړئ * چې کله د دي تلاوت کيږي نو پۀ خاموشۍ او ادب باندې يـې واورئ * د دي طرف ته ښپې مۀ غزوئ * د ديۀ نه بَره مۀ کښينئ۔ سلطان محمود غزنوي  رَحْمَةُ  الله  عَلَيْه  د وفات کيدو نه پس چا پۀ خوب کښې وليدلو او پوښتنه يـې ترينه وکړه:  الله  پاک ستاسو سره څۀ معامله وفرمائيله؟ سلطان محمود غزنوي  رَحْمَةُ  الله  عَلَيْه  وفرمائيل: يو ځل پۀ يو ځائے کښې زۀ ميلمه ووم، کومه کمره چې ما ته راکړے شوه، هلته د ښپو طرف ته پۀ تاخ کښې قرآنِ کريم ايښودے شوے وو، ما سوچ وکړو چې قرآنِ کريم بهر يوسم، بيا مې خيال وکړو چې زۀ د خپل ارام د پاره قرآنِ کريم