رَضِیَ  اللہ   عنہ  واپس تشریف لے آئے، وہ قبیلے والے اپنے رستے چلے گئے۔ آخر وہ دِن بھی آ گیا، جس دِن بنوذُہل یعنی ان قبیلے والوں کی دوسرے قبیلے سے جنگ ہونی تھی۔

سپاہی میدان میں نکل آئے، جنگ بَس شروع ہی ہونے والی تھی، قبیلے کے سردار نے اَہْلِ قبیلہ سے پوچھا: وہ ابوبکر جن ہستی کے مُتَعَلِّق ہمیں دعوت دینے آئے تھے، اُن کا نام کیا ہے؟ بتایا گیا: اُن کا نامِ پاک  مُحَمَّد ( صَلَّی  اللہ   عَلَیْہِ وَ آلِہٖ وَسَلَّم ) ہے۔ سردار کہنے لگا: بَس! آج تمہارا وسیلہ یہی نام ہے، جنگ کے دوران نامِ  مُحَمَّد  پُکارتے رہو...!!

  اللہ   اکبر ...!! ابھی اِسلام قبول کیا نہیں ہے، بس اسلام کی دعوت پہنچی تھی، سردار کو اندازہ ہو چکا تھا کہ یہ جو نام ہے، بہت ہی برکت والا ہے، اس نامِ پاک کو پُکار لیا تو جیت ہماری ہو گی، چنانچہ اُس نے سب سپاہیوں کو وصیت کر دی کہ آج جنگ کے دورانِ نامِ  مُحَمَّد  پُکارتے رہنا۔ سب نے ایسا ہی کیا،  اَلحمدُ لِلّٰہ!  نامِ  مُحَمَّد  کی برکت سے اُنہیں جنگ میں فتح نصیب ہو گئی۔

جب یہ خبر رسولِ اکرم، نورِ مُجَّسَم   صَلَّی  اللہ   عَلَیْہِ وَ آلِہٖ وَسَلَّم  کو پہنچی تو فرمایا: بِیْ نُصِرُوْا یعنی میرے نام کے وسیلے کی برکت اُنہیں ملی کہ اُن کی غیب سے مدد ہو گئی اور وہ جنگ میں کامیاب ہو گئے۔ ^([1])

 مُحَمَّد  کا لطف و عطا   اللہ  !   اللہ  !                                                               مری رُوح و دِل پر ہُوا   اللہ  !   اللہ  !

 مُحَمَّد   مُحَمَّد  وظیفہ ہے میرا                                                                             مُحَمَّد  کی ہر دَم نِدا   اللہ  !   اللہ  !

نامِ  مُحَمَّد  کا وسیلہ کام آگیا

پیارے اسلامی بھائیو!   اَلحمدُ لِلّٰہ!   اللہ   پاک نے نامِ  مُحَمَّد  میں بہت برکتیں رکھی ہیں۔ * اِس نامِ پاک کا وسیلہ پیش کریں،  اللہ   پاک دُعائیں قبول فرما لیتا ہے * اِس نامِ پاک کا وِرْد کریں،  اللہ   پاک بلائیں ٹال دیتا ہے * اِس نامِ پاک کے وسیلے سے دُعائیں مانگیں،  اللہ   پاک