يـې هډو نوم نۀ اخستو۔ درې شپې يـې پرله پسې د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  د خُلې مبارکې نه د الله پاک کلام اوريدو، چې څلورمه ورځ شوه نو اَخنس بن شَرِيق د کور نه راوتلو، د ابو سفيان خوا له لاړو، اوئې وئيل: اے ابو سفيانه۔۔۔!! درې شپې دې تِلاوت واوريدو، د دې کلام پۀ باره کښې خپله رائے ورکړه۔۔۔!! ابو سفيان د کلامِ مجيد تعريف وکړو۔ بيا اَخنس بن شَرِيق د ابو جهل خوا له لاړو، اوئې وئيل: ابو جهله۔۔۔!! ووايه! کوم کلام چې دې درې شپې پرله پسې واوريدو، د هغې پۀ باره کښې ستا څۀ رائے ده۔ ابو جهل بد بخته وو۔ د هغۀ پۀ زړۀ باندې سختې پردې پرتې وې، اوئې وئيل: (د هٰغه کلام خبرې پريږده۔۔۔!! معامله دا ده چې) مُحَمَّد  صَلَّى اللهُ عَلَيْهِ وَاٰلِهٖ وَسَلَّم  د عبدِ مُنَاف قبيلې نه دے۔ زۀ د هغه کلمه نۀ شم وئيلے۔^([1]) پۀ دې موقع باندې دا آيت مبارک نازل شو، الله پاک وفرمائيل: ^([2])

وَ مِنۡہُمۡ مَّنۡ یَّسۡتَمِعُوۡنَ اِلَیۡکَ ؕ اَفَاَنۡتَ تُسۡمِعُ الصُّمَّ وَ لَوۡ کَانُوۡا لَا یَعۡقِلُوۡنَ )۴۲(

(پارہ:11، سورۀ یونس:42)

ترجمهٴ کنزُ العِرفان: او د هغوئي نه بعضې هٰغه دي کوم چې ستا طرف ته غوږ ږدي، نو آيا تۀ به کڼو ته واوروې؟ اګر که هغوئي نۀ پوهيږي۔

يعنې پۀ دې مشرکانو کښې بعضې داسې دي کوم چې د خپلو ظاهري غوږونو سره د اوريدو د پاره راټيټيږي او د اخري نبي، رسولِ هاشمي، مُحَمَّد عربي  صَلَّى اللهُ عَلَيْهِ وَاٰلِهٖ وَسَلَّم  نه قرآنِ پاک اوري خو ستاسو سره د سخت بغض او دښمنۍ پۀ وجه دا اوريدل هغوئي ته هيڅ فائده نۀ رسوي۔^([3])

خوږو او محترمو اِسلامي وروڼو! د دې واقعې نه مونږ ته د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  د سيرت پۀ باره کښې د زدکړې د پاره دوه خبرې ميلاؤ شوې: