دا څلور واړه غير مسلمه د دې تِلاوت د اوريدو د پاره کيناستل، د الله پاک پۀ کلام او د رسولِ هاشمي، مُحَمَّد عربي  صَلَّى اللهُ عَلَيْهِ وَاٰلِهٖ وَسَلَّم  د ژبې مبارکې پۀ خوږو کښې داسې ډوب شول، داسې ډوب شول چې د ګير چاپيره د حالاتو نه هم خبر نۀ شو، تِلاوت يـې اوريدو، تِلاوت يـې اوريدو، شپه څنګه تيره شوه، هډو پته ورته اونۀ لګيدله۔ سحر چې کله رسولِ اکرم، نورِ مُجَسَّم  صَلَّى اللهُ عَلَيْهِ وَاٰلِهٖ وَسَلَّم  تِلاوت بَس کړو، بيا پۀ هوش کښې راغلل چې اَوه۔۔۔!! دا خو ټوله شپه تيره شوه۔

بيا څلور واړه پاڅيدل او د خپلو خپلو کورونو طرف ته روان شول! هُم پۀ لاره کښې د څلورو واړو ملاقات وشو۔ ټول پۀ دې باندې پوهه شو چې د دې زړۀ راښکونکې تِلاوت اوريدو والا يواځې زۀ نه ووم، باقي درې واړه هم موجود وو۔ نو د يو بل نه يـې وعده واخستله چې بيا د پاره به د مُحَمَّد  صَلَّى اللهُ عَلَيْهِ وَاٰلِهٖ وَسَلَّم  تِلاوت نۀ اورو۔

ورځ تيره شوه، بَله شپه شروع شوه، بيا پرې وخت نۀ تيريدو، څلور واړه غلي غلي د خوږ محبوب  صَلَّى اللهُ عَلَيْهِ وَاٰلِهٖ وَسَلَّم  د کور مبارک خوا له لاړل۔ خوږ محبوب  صَلَّى اللهُ عَلَيْهِ وَاٰلِهٖ وَسَلَّم  نن هم پۀ تيز اواز تِلاوت کولو۔ نن هم دا څلور واړه پټ کيناستل، د الله پاک د کلام د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  پۀ خُله مبارکه باندې پۀ اوريدو کښې داسې ډوب شول چې نن بيا ټوله شپه تيره شوه، کله سحر شو، هډو پته ورته اونۀ لګيده، بيا څلور واړه راپاڅيدل، کورونو ته لاړل، بيا يـې پۀ لار کښې د يو بل سره ملاقات وشو۔ نن يـې هم د يو بل سره وعده وکړه چې بيا به نۀ راځو۔

دا ورځ هم تيره شوه۔ پۀ بله شپه پرې بيا وخت نۀ تيريدو۔ بيا څلور واړه غلي غلي ورسيدل۔ دريمه شپه هم د قرآنِ کريم پۀ تِلاوت اوريدو کښې تيره شوه۔

اَللہُ اَکْبَر! دا تِلاوت چې کاڼو اوريدلے وے نو هم به وِيلي شوي وو خو افسوس۔۔۔!! دا د غير مسلمو زړونه وو، پۀ هغې باندې تور والے دومره راخور شوے وو چې د لرې کيدو