ټوقو ټقالو، ملنډو، پۀ وړه وړه خبره باندې د غصه کيدو، پۀ خوراک کښې د عيب لټولو، د کشرانو وروڼو خوئيندو د رټلو، وهلو، د کور مشرانو ته د نيغيدو، بحثونو کولو که ستاسو عادتونه وي نو خپله رويه مکمل بدله کړئ، د هر يو نه معافي وغواړئ (6): پۀ کور او پۀ هر ځائےکښې چې تاسو سنجيده شئ نو اِنْ شَآءَ اللہُ الْکَرِیم! پۀ کور کښې دننه (او بهر) به هم ضرور د دې برکتونه ظاهريږي (7): مور بلکې که کور وداني هم وي يا د کور د يوې ورځې ماشوم هم وي پۀ "تاسو" سره يـې رابلئ (8): د خپلې محلې پۀ جومات کښې د ماسخوتن د نـمونځ د جَمعې کولو نه پس پۀ دوو ګينټو کښې دننه دننه اودۀ شئ (9): د کور خلق که چرې پۀ نـمونځ کښې ناراسته وي، د بے پردګۍ، فلمونو، ډرامو او د سندرو سازونو سلسله وي او تاسو که چرې مشران نۀ يۍ، دا غالب ګمان دے چې ستاسو به نۀ اوريدلے کيږي نو بيا بيا د رټلو پۀ ځائے، ټول پۀ نرمۍ سره پوهه کړئ! پۀ کور کښې مَدَني چينل ولګوئ! اِنْ شَآءَ اللہُ الْکَرِیم! پۀ کور کښې به دِيني ماحول جوړ شي (10): پۀ کور کښې که هر څومره هم رَټل بلکې وهل هم وخورۍ نو صبر، صبر او صبر کوئ۔ که تاسو خُله وهۍ نو د دِيني ماحول جوړيدو اُميد نشته بلکې نوره خرابي پيدا کيدے شي چې بے ځايه د سختۍ کولو سره بعضې وخت شيطان خلق ضديان کوي (11): د خپل کور والؤ د دُنيا او د اخرت ښۀ کولو د پاره د زړۀ د اِخلاصه دُعا هم کوئ چې د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  فرمان مبارک دے: اَلدُّعَاءُ سِلَاحُ الْمُؤْ مِنِ یعنې دُعا د مؤمِن وسله ده۔^([1]) (12): د مسائلُ القُرآن پۀ صفحه 290 باندې دي: د هر نـمونځ نه پس دا دُعا پۀ اوّل او پۀ اخِره کښې دُرود شریف يو ځل ولولئ، اِنْ شَآءَ اللہُ الْکَرِیم! بال بچ به مو د سُنَّتو پابند جوړ شي او پۀ کور کښې به مَدَني ماحول پيدا شي۔ (دُعا دا ده:)

(اَللّٰہُمَّ) رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا  

(پارہ :19، سورۀ الفرقان:74)