سُبْحٰنَ اللہ! معلومه شوه چې د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  مِسواک ډير خوښ وو، اخري نبي، رسولِ هاشمي، مُحَمَّدِ عربي  صَلَّى اللهُ عَلَيْهِ وَاٰلِهٖ وَسَلَّم  به چې کله د شپې ارام فرمائيلو نو د بالښت د لاندې به يـې مِسواک کيښودلو، د شپې چې به کله د عبادت د پاره راپاڅيدو نو وړومبے به يـې مِسواک کولو۔ اَلْحَمْدُ لِلّٰہ! مِسواک ډير ښکلے سُنَّت دے۔ افسوس چې اوس پۀ دې سُنَّت باندې عمل نۀ کيږي۔ اَلْحَمْدُ لِلّٰہ! دعوتِ اِسلامي د دې سُنَّت پۀ ژوندي ساتلو هم زور راوړے دے او زور راوړي۔ تاسو هم د دعوتِ اِسلامي ملاتړ وکړئ! د مِسواک سُنَّت ژوندے کړئ! دا به څنګه کيږي۔۔۔؟ کم از کم پخپله د مِسواک پوخ عادت جوړ کړئ! که کيدے شي نو پۀ قميص باندې مخې ته د سينې د پاسه د مسواک د پاره بيل جيب جوړ کړئ او د سنّتو ادا کولو دا آله هر وخت سينې سره د لګولو عادت جوړ کړئ! د دې سره سره که کيدے شي نو خپلو پيژندګلو، خبره منونکو خلقو ته هم د دې ترغيب ورکړئ! اِنْ شَآءَ اللہُ الْکَرِیم! ډير برکتونه به مو نصيب شي۔

د اميرِ اهلِسُنَّت مولانا محمد اِلياس عطّار قادري دَامَتْ بَرَکَاتُہُمُ الْعَالِیَه رساله ده: مسواک شریف کے فضائل۔ که دا ولولئ نو ډير خوند به ترينه واخلئ، اِنْ شَآءَ اللہُ الْکَرِیم! د مسواک کولو ذِهن به مو جوړ شي۔

د کورني ژوند يو څو آداب

پۀ کور کښې دِيني او اِسلامي ماحول جوړول دي، دې د پاره يو څو آداب عرض کووم: (1): مور بي بي يا والِد صاحب چې پۀ راتللو ووينۍ نو پۀ ادب سره ودريږئ (2): پۀ ورځ کښې کم از کم يو ځل د والِد صاحب لاسونه او د مور بي بي ښپې ښکلوئ! (3): د مور او پلار پۀ مخکښې اواز ورو ساتئ، د هغوئي پۀ سترګو کښې سترګې مۀ اچوئ، پۀ ټيټو سترګو ورسره خبرې کوئ (4): د هغوئي سپارلے شوے هر يو کار کوم چې د شريعت خلاف نۀ وي فوراً يـې کوئ (5): سنجیدګي اِختيار کړئ۔ پۀ کور کښې د سپکو خبرو،