کښې چې د الله پاک ذِکر نۀ کيږي، د هغې مثال د ژوندي او د مړي پۀ شان دے۔ ^([1])

يعنې چرته چې ذِکر کيږي، هٰغه کور ژوندے دے، چرته چې ذِکر نۀ کيږي، هٰغه کور مړ دے۔ ځکه پۀ کور کښې د ذِکرُ الله ماحول هم جوړول پکار دي۔ چې څنګه هم اساني وي، پۀ کور کښې د څۀ نا څۀ ذِکر کولو عادت جوړول پکار دي، يو صورت دا هم کيدے شي چې پۀ هفته کښې يوه ورځ مقرره کړے شي، مثلاً *د جُمعې پۀ ورځ د جُمعې د نـمونځ نه پس يا د مازيګر د نـمونځ نه يا د ماښام د نـمونځ نه پس صرف هم د خپل کور خلق د شرعي پردې د خيال ساتلو سره يو ځائے کښيني او مختصر شان د ذِکر او د دُرود محفل جوړ کړي، پۀ هغې کښې تِلاوت هم کيدے شي، ټول يو ځائے کښيني او تِلاوت کوي، د الله پاک د پاکو نومونو ذِکر وي، دُرُودِ پاک لوستلے کيږي، بيا دُعا کيږي۔ * دغه شان دې د يولسمې شريفې انتظام وکړے شي، پۀ هره مياشت کښې دې د يولسم شريف پۀ موقع باندې پۀ کور کښې مختصر شان محفل جوړ کړے شي، د کور ټول خلق رايوځائے شي، ذِکر او اَذکار ، درودِ پاک دې لوستلے کيږي، تِلاوت دې کيږي، د دې ټولو ثواب دې غوثِ پاک رَحْمَةُ اللهِ عَلَيْه ته ډالۍ کړے شي، * دغه شان د نورو صحابۀ کرامو رَضِىَ اللهُ عَـنْهُم، اوليائے کرامو او بزرګانِ دِين رَحْمَةُ اللهِ عَلَيْهم ورځې دې هم پۀ کورونو کښې وکړے شي۔ اِنْ شَآءَ اللہُ الْکَرِیم! پۀ کورونو کښې به د روحانيت والا ماحول جوړ شي۔

د کورني ژوند يو څو سُنَّت او آداب

خوږو او محترمو اِسلامي وروڼو! چې زمونږه د کورونو ماحول صحيح شي، پۀ کور کښې امن وي، سکون وي، قرار وي، کور ته د رسيدو سره د دماغو خرابيدو پۀ ځائے ستوماني ختمه شي، دې د پاره پۀ کور کښې د اوسيدو پۀ باره کښې چې کوم آداب او سُنَّت د خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  د سيرت مبارک نه مونږ ته د زده کولو