پۀ کورونو کښې سکون هم نعمت دے

الله پاک فرمائي:

وَ اللّٰہُ جَعَلَ لَکُمۡ مِّنۡۢ بُیُوۡتِکُمۡ سَکَنًا

(پارہ:14، سورۀ نحل:80)

ترجمهٴ کنزُ العِرفان: او الله ستاسو کورونه ستاسو د اوسيدلو ځايونه جوړ کړل۔

دا هم د الله پاک څومره لوئي اِحسان دے چې هغه زمونږ کورونه زمونږ د پاره د سکون ذريعه جوړه کړه * که صرف يو څو سيکنډه زلزله راشي نو زړۀ درزيږي، اِنسان نا قراره کيږي، که اِنسان هر څومره خوشحاله وي، ټولې خوشحالۍ يـې ختميږي، [خو د الله پاک شُکر دے چې] دا زمکه نۀ رپيږي، زمونږ کورونه چې پۀ کوم ځائے کښې وو، هم پۀ هٰغه ځائے کښې صحيح سلامت موجود دي، دا د سکون ذريعه ده * سوچ وکړئ چې يو ځنګلي ځناور مثلاً ازمرے يا پړانګ وغيره محلې ته راشي نو ټوله محله څومره ويريږي، بهر وتل ګران شي، د ژوند څومره معاملې ودريږي۔ غور وکړئ چې دا ځنګلي ځناور پۀ ځنګل کښې چا منع کړي دي؟ پۀ زرګونو قِسمه ځناور، حشرات، ماران، لړمانان او پته نۀ لګي چې څنګه څنګه زهريله ځناور پۀ دُنيا کښې موجود دي، د دي ټولو مخه که زمونږ د اوسيدو ځايونو ته شي نو سوچ وکړئ چې ژوند به څومره ګران شي، الله پاک دا ټول زمونږ د ټولو د کورونو نه لرې ساتلي دي، دا څومره لوئي اِحسان دے، څومره عظيم نعمت دے۔ د دې کور هم مونږ ته شُکر ادا کول پکار دي۔ هغه به څنګه ادا کوو۔۔۔؟ پۀ کورونو کښې د نيکو والا ماحول جوړولو سره ۔ د حضرت عبد الله بن عمر رَضِىَ اللهُ عَـنْهما نه روايت دے، رسولِ ذِيشان، مکي مَدَني سلطان  صَلَّى اللهُ عَلَيْهِ وَاٰلِهٖ وَسَلَّم  فرمائيلي دي: اِجْعَلُوْا ‌فِي ‌بُيُوْتِكُمْ ‌مِنْ ‌صَلَاتِكُمْ، ‌وَلَا ‌تَتَّخِذُوْهَا ‌قُبُوْرًا يعنې ځينې نـمونځونه پۀ کورونو کښې هم کوئ! کورونه هديرې مۀ جوړوئ۔۔۔!! ^([1])