اوس غور وکرئ چې زمونږ پۀ کورونو کښې داسې ماحول جوړ شي، ځه۔۔۔!! * که مونږ د ټول قرآنِ کريم ختم روزانه نۀ شو کولے نو چې کم از کم يوه سيپاره خو روزانه تِلاوت کوو، که داسې شي نو سوچ وکړئ چې زمونږ د کورونو ماحول به څومره ښکلے او پاک شي۔ * که زمونږه په کور کښې هره ورځ د سورۀ ملک تلاوت کيږي نو څومره ښکلے ماحول به جوړ شي، چې کله پلار، کله مور، کله ورور، کله خور، کله لور تلاوت کوي او نور ناست وي اوري يـې۔ سُبْحٰنَ اللہ! * که په کور کښې د درس سلسله وي نو ديني ماحول به جوړيږي۔

کور هم يو نعمت دے

خوږو او محترمو اِسلامي وروڼو! زمونږ چې کوم کور دے، دا که هر څنګه هم دے، عالي شان دے او که چوپړۍ ده، کور د الله پاک نعمت دے۔ حضرت اَنَس بن مالِک رَضِىَ اللهُ عَـنْهُ فرمائي، زمونږه خوږ آقا و مولا، مکي مَدَني مصطفٰے  صَلَّى اللهُ عَلَيْهِ وَاٰلِهٖ وَسَلَّم  چې به کله بسترې له تشريف وړلو نو وئيل به يـې:

اَلْحَمْدُ ‌لِلهِ ‌الَّذِيْ ‌أَطْعَمَنَا، ‌وَسَقَانَا، ‌وَكَفَانَا، ‌وَآوَانَا ‌فَكَمْ ‌مِّمَّنْ ‌لَّا ‌كَافِيَ ‌لَهُ، ‌وَلَا ‌مُؤْوِيَ

ترجمه: ټول تعريفونه الله پاک لره دي کوم چې پۀ مونږ وخوړله، وڅښله، زمونږ ضرورتونه يـې پوره کړل او مونږ ته يـې ځائے راعطا کړو۔ څومره داسې دي، د کومو سره چې بقدرِ کفايت اسباب نشته، څومره داسې دي د کومو چې څۀ کور نشته۔ ^([1])

څومره ښکلے انداز دے۔۔۔!! د نن پۀ ترقي يافته دور کښې هم څومره خلق پۀ فټ پات باندې شپې تيروي، څومره داسې دي د کومو سره چې د سر پټولو ځائے نشته، زمونږه کور شته، که د کرايه هم دے نو راسره خو دے۔