سلطان  صَلَّى اللهُ عَلَيْهِ وَاٰلِهٖ وَسَلَّم   جو نوافل ادا ڪرڻ جو ڪهڙو معمول هو؟ پاڻ رَضِیَ اللهُ عَنْہا فرمائن ٿيون: حضور  صَلَّى اللهُ عَلَيْهِ وَاٰلِهٖ وَسَلَّم     ظهر کان پهريان 4 رڪعتون گهر ۾ ادا فرمائيندا هئا، پوءِ مسجد ڏانهن تشريف وٺي ويندا هئا، ظهر جي نماز باجماعت ادا فرمائيندا هئا، پوءِ گهر تشريف کڻي ايندا هئا ۽ ٻه رڪعتون ادا فرمائيندا هئا. ائين ئي مغرب جي نماز باجماعت ادا فرمائيندا هئا ۽ پوءِ جڏهن گهر تشريف آڻيندا هئا ته ٻه رڪعتون ادا فرمائيندا هئا، عشاء جي نماز مسجد ۾ ٿيندي هئي، ان کان پوءِ به گهر اچي ٻه رڪعتون ادا فرمائيندا هئا. ^([1])

صحابيءِ رسول آهن حضرت عبدالله بن عباس  رَضِیَ اللهُ عَنْہما  . پاڻ مسلمانن جي امڙ سائڻ حضرت ميمونه رَضِیَ اللهُ عَنْہا جا ڀاڻيجا آهن. پاڻ ان وقت ننڍي عمر جا هئا، فرمائن ٿا: هڪ رات مان پنهنجي ماسِي حضرت ميمونه رَضِیَ اللهُ عَنْہا جي گهر ۾ رهيس، ان رات پياري آقا  صَلَّى اللهُ عَلَيْهِ وَاٰلِهٖ وَسَلَّم       عشاء جي نماز پڙهي، پوءِ گهر تشريف کڻي آيا، گهر ۾ پاڻ  صَلَّى اللهُ عَلَيْهِ وَاٰلِهٖ وَسَلَّم         4 رڪعتون ادا فرمايون ان کان پوءِ آرام فرمايو، ڪجهه دير کان پوءِ اٿيا،^([2]) چهري پاڪ تي هٿ ڦيرايائون، سورت آل عمران جي آخري 10 آيتن جي تلاوت ڪيائون، پوءِ وضو ڪري  نماز پڙهڻ لڳا، مان به وضو ڪري حاضر ٿي وَيُس ۽ نماز پڙهڻ لڳس. پاڻ سڳورن  صَلَّى اللهُ عَلَيْهِ وَاٰلِهٖ وَسَلَّم        2 رڪعتون، پوءِ 2 رڪعتون، پوءِ 2 رڪعتون، اهڙي طرح 2، 2 رڪعتون ڪري ڪُل 12 رڪعتون ادا فرمايون، پوءِ وتر ادا فرمايو ۽ بعد ۾ آرام فرمايو، پوءِ فجر جي اذان کان پوءِ 2 رڪعتون (يعني فجر جون سنتون) ادا فرمايائون ۽ فجر جي نماز لاءِ تشريف وٺي ويا. ^([3])

سُبْحٰنَ اللہ! هي پياري آقا  صَلَّى اللهُ عَلَيْهِ وَاٰلِهٖ وَسَلَّم         جو پيارو پيارو انداز آهي. اسان کي به گهرجي ته هن سنت تي عمل ڪريون.