پيارا اسلامي ڀائرو! آڪوله (مهاراشٽر، هند) جي هڪ اسلامي ڀاءُ ڪجهه هن ريت بيان ڏنو آهي ته بُرن ماڻهن سان تعلقات جي ڪري اسان جو گهراڻو بدعملي سان گڏوگڏ بدعقيدگيءَ ۾ به مبتلا ٿي ويو هو، ان دوران منهنجو 17 سالن جو ننڍو ڀاءُ جيڪو دعوت اسلامي جي ديني ماحول سان وابسته ٿي چڪو هو، اهو گهر ۾ سڀني کي گڏ ڪري فيضانِ سنت جو درس ڏيندو هو. مان ان ۾ نه ويهندو هئس، هڪ ڏينهن مان سندن ڀرسان ويهي رهيس ته ٻڌان ته سَهِي هي درس ۾ ڇا ٿو چوي، درس ٻڌڻ ۾ تمام سٺو لڳو، تنهنڪري مان روزانو گهر درس ۾ شريڪ ٿيڻ لڳس. آهستي آهستي منهنجي دل جي ڪاراڻ مٽجڻ لڳي، الحمدللہ! گهر ۾ ٿيڻ واري هن درس جي برڪت سان اسان جي گهر ۾ ديني ماحول بڻجي ويو ۽ الله پاڪ جي فضل سان بدعقيدگيءَ کان به نجات ملي وئي. ^([1])

بُری صحبتوں سے کَنارہ کشی کر                                                                          اور اچھوں کے پاس آ کے پا دینی ماحول

تمہیں لطف آ جائیگا زندگی کا                                                                                قریب آ کے دیکھو ذرا دینی ماحول

صَلُّوْا عَلَی الْحَبِیْب! صَلَّی اللہُ عَلٰی مُحَمَّد

پيارا اسلامي ڀائرو! توهان به گهر ۾ درس ڏيڻ جي عادت بڻايو! الحمد لله! درس ڏيڻ ذيلي حلقي جي 12 ديني ڪمن مان هڪ ڪم آهي.

پيارا اسلامي ڀائرو! الله پاڪ اسان مسلمانن کي حڪم ڏنو آهي:

قُوۡۤا  اَنۡفُسَکُمۡ  وَ اَہۡلِیۡکُمۡ  نَارًا

(پارو: 28، سورة تحريم: 6)

ترجموڪنزالعرفان: پنهنجي جانين ۽ گهر وارن کي اُنَ باهه کان بچايو!

يعني اي مسلمانو! پاڻ به ديني ڳالهيون سکو ۽ پنهنجي گهر وارن کي به سيکاريو! ته جيئن جهنم کان بچي سگهو...!! ^([2])