مبارکو باندې جنَّتونه شنۀ او ښکلي دي، پۀ هٰغه لاړو مبارکو باندې دې پۀ لکونو سلامونه وي، د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم لاړې مبارکې د کوهيانو تروې اوبې خوږوې، رُوح او ځان ته تازګي عطا کوي، پۀ هٰغه خوږه چينه باندې دې پۀ لکونو سلامونه وي۔

د زهرو اَثر ختم  شو

  د غارِ ثور واقعه به خو تاسو اوريدلې وي، الله! الله! د مسلمانانو وړومبي خليفه حضرت اَبُو بکر صِدِّيق رَضِیَ اللہُ تَعَالٰی عَنْہُ    پۀ غار کښې يو سوري ته پونده مبارکه ايښودې ده او ناست دے، خوږ نبي، مکي مَدَني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم خپل سر مبارک د هغوئي پۀ غيږه کښې ايښودے دے او ارام فرمائي۔ هلته مار د هغوئي پونده مبارکه چيچي، حضرت صِدِّيقِ اکبر رَضِیَ اللہُ تَعَالٰی عَنْہُ    د رسول الله صَلَّى اللهُ عَلَيْهِ وَاٰلِهٖ وَسَلَّم د ادب پۀ وجه، د هغوئي د ارام پۀ خيال ساتلو صبر کوي خو تکليف ډير وو، د ډير صبر کولو باوجود يـې د سترګو نه اوښکې وبهيدلې، د عاشقِ اکبر رَضِیَ اللہُ تَعَالٰی عَنْہُ    د عشق نه ډکې اوښکې پۀ عشقِ رسول کښې پۀ موجونو شوې او د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم مخ مبارک يـې ښکل کړو، نبي کريم صَلَّى اللهُ عَلَيْهِ وَاٰلِهٖ وَسَلَّم سترګې مبارکې وغړولې او اوئې فرمائيل: صِدِّيقه څۀ وشو؟ عرض يـې وکړو: لُدِغْتُ فِدَاکَ اَبِیْ وَ اُمِّی یَارَسُوْلَ اللہِ! يا رسولَ الله     صَلَّى اللهُ عَلَيْهِ وَاٰلِهٖ وَسَلَّم! زما مور او پلار دې پۀ تاسو باندې قربان شي، زۀ مار چيچلے يم۔^([1])

الله! الله! بيا د خوږ نبي، مکي مَدَني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم د لاړو مبارکو کمال ته وګورئ! پۀ طِبي لحاظ سره د مار د زهرو عِلاج پۀ يو څيز باندې نۀ کيږي، دې د پاره مختلف کيميائي څيزونه رايوځائے کولے شي او اينټي وِينَم (Antivenom) يعنې مرکب دوائي ترينه جوړولے شي، د مار زهر پۀ هغې باندې لرې کيږي۔ قربان شم! دا د خوږ نبي،