د ميډيکل سائنس پۀ لحاظ سره که چرې زۀ پۀ دې باندې خبره وکړم نو وګورئ! زمونږه پۀ خُله کښې چې کومې لاړې جوړيږي، دا پۀ اصل کښې زمونږ پۀ خُله کښې درې قِسم غدود وي * د غوږونو نه لاندې * د داړو نه لاندې * او د ژبې د لاندې۔ د دې غدودو دا کار وي چې د وينې نه اوبۀ، نمکيات، پروټين او انزائمز راښکي او د هغې نه لاړې جوړوي۔ زمونږه۔۔۔ يعنې زما، ستاسو او د دُنيا د ټولو انسانانو پۀ خُله کښې چې کومې لاړې جوړيږي، د هغې پۀ ذريعه باندې خوراک هضم کيږي، پۀ خوراک تيرولو کښې اساني پيداکيږي، خُلۀ صفا وي، پۀ خبرو کولو کښې اساني وي، د غاښونو حفاظت کيږي، داسې زمونږ د لاړو 5، 10، 15 فائدې وي خو قربان شم! د دواړو جهانو د تاجدار، رسولِ مالِک او مختار صَلَّى اللهُ عَلَيْهِ وَاٰلِهٖ وَسَلَّم شان ډير ځانګړے دے:

گلبنِ باغِ نُور کی اَور ہی کچھ اُٹھان ہے

د خوږ نبي، مکي مَدَني، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم پۀ خُلۀ مبارکه کښې چې کومې لاړې مبارکې دي، *دا صرف خوراک نۀ هضم کوي، * صرف پۀ خبرو کولو کښې اساني نۀ پيدا کوي بلکې دا لاړې مبارکې چې پۀ زخم باندې ولګي نو د دُنيا د ټولو نه بهترين مرهم ترينه جوړ شي * چې پۀ سترګه باندې ولګي نو د سترګو نُور ترينه جوړ شي، که پۀ خوراک کښې ولګي نو پۀ خوراک کښې برکت زيات کړي * که پۀ ترِيو کوهي کښې واچولے شي نو د هغې اوبۀ خوږې کړي * چې د چا پۀ خُله کښې واچولے شي نو د طاقت، عزت، بهادرۍ، عِلم او نُور خزانه ترينه جوړه شي۔

جس کے پانی سے شاداب جان وجناں             اُس دَہَن کی طَرَاوَت پہ لاکھوں سلام

جس سے کھاری کنویں شیرۂ جاں بنے             اُس زُلالِ حَلاوت پہ لاکھوں سلام^([1])

      وضاحت: د مالِک او مختار آقا صَلَّى اللهُ عَلَيْهِ وَاٰلِهٖ وَسَلَّم د خُلې مبارکې نه پۀ وتونکو لاړو