ووايۍ چې ډاکټر صيب! پۀ تللو تللو کښې ورسره دا مريض هم وګورئ!

که ډاکټر صاحب ستاسو خپل وي، دوست مو وي نو بيا به يـې هم زيات نه زيات څه معمولي شان معائينه وکړي او وه به وائي چې زۀ پۀ مرض باندې پوهه شوم، کلينک ته يـې راوله۔ ستاسو مريض به ټيک شي۔ چې هلته پۀ ولاړه ولاړه د مريض پوره علاج وشي، داسې يو ډاکټر هم نۀ شي کولے۔ خو قربان شم! د دواړو جهانو طبيب صَلَّى اللهُ عَلَيْهِ وَاٰلِهٖ وَسَلَّم دے، پۀ سفر کښې دے، پۀ لاره باندې روان دے، پۀ لاره کښې مريض راغلو، چرته د تللو ضرورت راپيښ نۀ شو، چرته د کيناستو ضرورت پيښ نۀ شو، بس چې چرته وو، هم هلته يـې پۀ ولاړه ولاړه خپلې لاړې مبارکې پۀ خُله کښې ورواچولې او د کلونو د مريض پۀ لږ ساعت کښې شِفا نصيب شوه۔

سُبْحٰنَ اللہ! اعلیٰ حضرت رَحْمَةُ الـلّٰـهِ عَـلَيْه څومره ښکلې خبره ليکلې ده:

نعمتیں بانٹتا جس سَمْت وہ ذِیشان گیا                           ساتھ ہی مُنْشِئ رحمت کا قلم دان گیا^([1])

      وضاحت: هٰغه د قدر او منزلت والانبي رحمت، محبوبِ ذِيشان صَلَّى اللهُ عَلَيْهِ وَاٰلِهٖ وَسَلَّم چې د رَبِّ کريم د انعامونو تقسيمولو د پاره کوم طرف ته هم تشريف يوړلو، د نبي کريم صَلَّى اللهُ عَلَيْهِ وَاٰلِهٖ وَسَلَّم د رحم او کرم ليکلو والا خپل قلم دان واخستو او هم د هغوئي سره وو۔

مُعْجِزَہ  بن کے آیا ہمارا نبی

(کوم نبي چي مونږ ته تشريف راوړے هغه سراسر معجزه ده)

خوږو او محترمو اِسلامي وروڼو! پۀ دريم نمبر پۀ دې روايت کښې د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د لاړو مبارکو کمال ته هم وګورئ! مريض دے د ډيرو کلونو نه بيمار دے، خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم خپلې لاړې مبارکې د هغۀ پۀ خُله کښې واچولې او شِفا يـې ورعطا کړله۔ سُبْحٰنَ اللہ!