غړغړه وفرمائيله، د هغې برکت دا وشو چې د دې اوبۀ د هر مرض شِفا شوه۔ د صحابۀ کرامو عَلَیْہِمُ الرِّضْوان معمول وو، کله به چې څوک بيمار شو نو هغه به يـې د : بِئرِ بَضَاعَه خوا له بوتلو، پۀ هٰغه اوبو باندې به يـې غسل ورکړو، د دې پۀ برکت به يـې شِفا نصيب کيدله۔^([1])

 عِلم يـې ورعطا کړو

خوږو او محترمو اِسلامي وروڼو! دا خو د لاړو مبارکو هٰغه برکتونه وو چې محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم پۀ خپل ظاهري ژوند مبارک کښې لاړې مبارکې ورعطا کړلې او برکتونه ظاهر شول، اوس يو بَل روايت د ظاهري وصال شريف نه سوونه کاله روستے واورئ!

تاسو ته معلومه ده چې د خوب خبرې خوب وي، مثلاً پۀ خوب کښې مونږ ته يو کروړ روپۍ ميلاؤ شي، چې سترګې وغړوو نو آيا يو کروړ روپۍ به زمونږ سره وي۔۔۔؟ نۀ به وي۔ قربان شم! زمونږه د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم شان دلته هم جُدا دے، هغوئي چې کله هم پۀ خوب کښې تشريف راوړي نو پۀ حقيقت کښې تشريف راوړي، د دې خوب اثرات پۀ سترګو غړيدو نۀ ختميږي، د راويخيدو نه پس هم باقي وي۔

علامه سعد الدين تَفتَازاني رَحْمَةُ الـلّٰـهِ عَـلَيْه ډير لوئي عالِمِ دِين دے، پۀ دَرسِ نِظَامي (يعنې عالِم کورس) کښې د هغوئي ليکلے شوي ډير کتابونه ښودلے کيږي۔ علامه تَفتَازَاني  رَحْمَةُ الـلّٰـهِ عَـلَيْه به د قاضِي شيرازي رَحْمَةُ الـلّٰـهِ عَـلَيْه نه سبق وئيلو او پۀ کلاس کښې د ټولو نه زيات کُند [د کمزوري] ذِهن والا ګڼلے کيدو۔ د هغوئي کلاس فيلوز (Class Fallows) به د هغوئي د کُند ذهنۍ (د کمزوري ياد داشت) پۀ وجه پۀ هغوئي پسې خندل۔ د دې باوجود هغوئي حوصله اونه بائلله او محنت يـې کولو، ډير پۀ کوشش او محنت سره به يـې سبق يادولو، بيا به ترينه هيريدلو، بيا به يـې يادولو، داسې هغوئي محنت جاري وساتو۔ يو ځل