دغه شان پۀ حديثونو کښې هم د ختمِ نبوت عقيده ډيره پۀ وضاحت سره بيان کړے شوې ده، راځئ چې 4 حديثونه مبارک واورو:

(1): لوحِ محفوظ او د عقيده ختمِ نبوت

د حديثِ پاک په مشهور کتاب مسلم شريف کښې دي: د الله پاک اخري نبي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: الله پاک د زمکې او اسمان د پيدائش نه 50 زره کاله مخکښې د مخلوق تقدير وليکو، هٰغه وخت په لوحِ محفوظ باندې چې څۀ وليکلے شول، پۀ هغې کښې دا هم وو: اَنَّ مُحَمَّدًا خَاتَمُ النَّبِیٖن بے شکه مُحَمَّد صَلَّى اللهُ عَلَيْهِ وَاٰلِهٖ وَسَلَّم د ټولو اخري نبي دے۔ ^([1])

محمدِ مصطفےٰ!  سب سے آخری نبی!                احمدِ مجتبیٰ!        سب سے آخری نبی!

آمنہ کا لاڈلا!      سب سے آخری نبی!                شاہِ ہر دوسرا!      سب سے آخری نبی! ^([2])

(2): د نُوراني محل اخرۍ خخته

د حديثِ پاک پۀ مشهورو کتابونو: بخاری، مسلم، ترمذی او مسندِ احمد کښې دي: د الله پاک اخري نبي، رسولِ هاشمي، مکي مدني صَلَّى اللهُ عَلَيْهِ وَاٰلِهٖ وَسَلَّم فرمائيلي دي: زما او زما نه د مخکښينو انبياؤ مثال د هٰغه کَس پۀ شان دے کوم چې يو ډير ښکلے او ښائسته کور جوړ کړو خو د دې پۀ يو ګوټ کښې يـې د يوې خختې ځائے پريښودو، خلق د دې نه ګير چاپيره ګرځيدل او پۀ حيرانتيا سره يـې ووئيل چې دۀ دا خخته ولې نۀ ده کيښودې، بيا نبي کريم صَلَّى اللهُ عَلَيْهِ وَاٰلِهٖ وَسَلَّم وفرمائيل: زۀ هٰغه (اخري) خخته يم او پۀ نبيانو کښې اخري نبي يم۔ ^([3])