صحيح څۀ دي؟

(د صحيح شرعي مسئلې يا پۀ خلقو کښې د پرتې غلط فهمۍ پۀ ګوته کول)

مسئله: د جومات سامان د ذاتي ضرورت د پاره استعمالول جائز نۀ دي۔

وضاحت: خلق د جومات د ډنډې پکي، چټايانې، د اوبو والا پائپ، د جومات لوډ سپيکر، د جومات پوړۍ وغيره بعضې وخت د ذاتي کارونو د پاره اِستعمالوي، کله يـې کورونو ته وړي، بيا يـې وروستو واپس هم راوړي او چې کوم د جومات څيز اِستعمال کړي نو د هغې پۀ بدله کښې د جومات د چندې بکس کښې پيسې واچوي، دا غلط انداز دے۔ ياد ساتئ چې د جومات څيزونه کوم چې هم د جومات د پاره دي، هغه د خپل کور وغيره د اِستعمالولو د پاره وړل شرعاً جائز نۀ دي بلکې حرام او د ګناه کار دے۔ داسې کوونکي ګنهګاران وي، پۀ دوئي باندې لازم دي چې د دې کار نه توبه کړي او بيا د پاره داسې هيڅکله هم نۀ کوي۔ ^([1]) پۀ بهارِ شريعت کښې دي: د جومات د وړوکي نه يو وړوکے څيز هم بے موقعې او بے ځايه اِستعمالول جائز نۀ دي۔ ^([2]) 

الله پاک دې مونږ ته د صحيح اِسلامي احکامو د زده کولو او پۀ هغې باندې د عمل کولو توفيق راعطا کړي۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

صَلُّوا عَلَی الْحَبیب!                     صَلَّی اللّٰہُ عَلٰی مُحَمَّد

د اَسمَاءُ الـحُسنیٰ برکتونه (وظيفه)

يَا شَکُورُ  

څوک چې 5 زره کرته يَا شَکُورُ  لولي نو اِنْ شَآءَ اللہُ الْکَرِیم! د قيامت پۀ ورځ باندې به يـې