هم ټول عمر د ختمِ نبوت د عقيدې څوکيداري کړې ده، قاديانيانو او بعضو نورو بد مذهبو د لفظ خَاتَمُ النَّبِیّٖن د ډيرو تاوِيلونو کوشش وکړو، د دې لفظ هٰغه معنې کومې چې رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم بيان کړې دي، پۀ هغې باندې يـې اعتراضونه وکړل نو د الله پاک پۀ فضل سره دا هُم اعلیٰ حضرت رَحْمَةُ اللهِ عَلَيْه وو، چا چې د هغوئي د اعتراضونو ډير عِلمي جوابونه ورکړل، هغوئي د ختمِ نبوت پۀ عقيده باندې ډير کتابونه ليکلي دي او پۀ هغې کښې يـې دومره دليلونه ورکړي دي چې لوستل يـې ډيره مزه کوي۔

د اعلیٰ حضرت رَحْمَةُ اللهِ عَلَيْه يو کمال دا هم دے چې هغوئي ډير پۀ ښکلي انداز صرف پۀ يو شعر کښې د ختمِ نبوت ټوله عقيده بيان کړې ده، هغوئي ليکلي دي:

نہ رکھی گل کے جوشِ حُسْن نے گلشن میں جَا باقی    چٹکتا    پھر    کہاں    غُنچہ    کوئی    باغِ    رسالت    کا^([1])

وضاحت: اعلیٰ حضرت رَحْمَةُ اللهِ عَلَيْه فرمائي: الله پاک حکيم دے * د هغه يو کار هم بغير د حِکمت نه نۀ وي * نبي راليږل هم د حِکمت د لاندې وو * د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم نه پس د يو نوي نبي ضرورت صرف پۀ دې صورت کښې کيدے شي که د هغوئي پۀ راوړے شوي دِين کښې څۀ کمے پاتې شوے وي خو اَلْحَمْدُ لِلّٰہ! الله پاک خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم پۀ هر لحاظ سره کامِل او اکمل جوړ کړے دے * هغوئي ته چې يـې حُسن ورکړو نو دومره د کمال يـې ورکړو چې پۀ زمانه کښې د چا نصيب نۀ شو * هغوئي ته يـې اعلیٰ صفتونه عطا کړل نو دومره چې هډو ختميږي هم نۀ * هغوئي له يـې چې معجزې ورکړې نو پۀ کثرت سره يـې ورکړې بلکې نبي کريم  صَلَّى اللهُ عَلَيْهِ وَاٰلِهٖ وَسَلَّم يـې سراسر معجزه جوړه کړه او را وه يـې ليږله * د هغوئي اخلاق ربِّ کريم عظيم کړل * هغوئي ته يـې داسې د کمال سيرت عطا کړو چې پۀ دې کښې تر قيامته پورې د راتلونکو د پاره بهترينه نمونه موجوده ده * هغوئي ته يـې شريعت عطا