گا، یہاں تک کہ مجھے دوزخ میں جانے والے میرے اُمّتیوں کی فہرست دےدی جائے گی (جو دوزخ میں داخِل ہو چکے ہوں گے ان کی شَفاعت کرکے میں انہیں نکالتا جاؤں گا) یوں عذابِ الٰہی کےلیےمیری اُمّت کاکوئی فرد نہ بچےگا۔

(کَنْزُ الْعُمّال،کتاب القیامۃ،۷/۱۷۸،رقم: ۳۹۱۱۱)

صَلُّوْا عَلَی الْحَبِیْب!                   صَلَّی اللہُ عَلٰی مُحَمّد

سرکار صَلَّی اللہُ عَلَیْہِ وَاٰلہٖ وَسَلَّم کی عطائیں اور ہماری خطائیں

سُبْحٰنَ اللہ! ذرا سوچئے! حضورِ انور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو ہمارا کتنا احساس ہے اور وہ ہم پر کتنے مہربان ہیں،اب ذرا ہم اپنے بارے میں بھی غور کرتے چلیں کہ ہمیں اپنے  آقا و مولیٰ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے کیسی اور کتنی مَحَبَّت ہے؟ ہم نے آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے احسانات کے بدلے میں آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو کتنا خوش کیا اور آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے فرامین پر  ہم کتنا عمل کرتے ہیں؟ذرا سوچئے!جولوگ اپنے والدین سے مَحَبَّت کرتے ہیں،وہ کبھی بھی اُن کا دل نہیں  دُکھاتے،جنہیں اپنے بچوں سے مَحَبَّت ہوتی ہے وہ اُنہیں رنجیدہ نہیں  ہونے دیتے، کوئی بھی اپنے دوست کو غمزدہ دیکھنا گوارا نہیں  کرتاکیونکہ جس سے مَحَبَّت ہوتی ہے اُسے رَنجیدہ نہیں  کیاجاتا، مگرآہ!آج کے اکثر مسلما ن عشقِ رسول کا دعویٰ تو کرتے ہیں، مگر اُن کے کام محبوبِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کو  خوش کرنے والے نہیں،وہ کیسے عاشقِ رسول ہیں جونماز سےجی چُرا کر، نماز جان بوجھ کرقضا کر کے سرکارِمدینہ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے نورانی دل کے لئے تکلیف کاسبب بنتے ہیں۔یہ کون سی مَحَبَّت  اور کیسا عشق ہے کہ رسولِ پاک صَلَّی اللہُ تَعَالٰی عَلَیْہِ وَاٰلِہٖ وَسَلَّمَ ماہِ رَ مضان کے روزوں  کی تاکید فرمائیں  مگر خود کو عاشقانِ رسول کہلانے والے اِس حکم سے منہ موڑ کر فرض روزے چھوڑ