Book Name:Khatm e Daur e Risalat Pe Lakhon Salam
نو پۀ دې فرمان عالي شان کښې دا اِعلان هم شامل دے چې زمونږه خوږ محبوب صَلَّى اللهُ عَلَيْهِ وَاٰلِهٖ وَسَلَّم د ډير فراخه عِلم لرونکے دے، هغوئي تر قيامته پورې د راتلونکي هرې يوې صدۍ، د هر يو انسان د ټولو ضرورتونو ښۀ عِلم لرونکے دے۔ د هغوئي عِلم تر قيامته پورې د راتلونکو د پاره محيط دے۔
صحابئ رسول حضرت عبد الله بن عمر رَضِىَ اللهُ عَـنْهما فرمائي: حاضِر او ناظِر نبي، رسولِ هاشمي صَلَّى اللهُ عَلَيْهِ وَاٰلِهٖ وَسَلَّم فرمائيلي دي: اِنَّ اللهَ قَدْ رَفَعَ لِيَ الدُّنْيَا فَاَنَا اَنْظُرُ اِلَيْها واِلٰى مَا هُوَ كَائِنٌ فِيْهَا اِلٰى يَوْمِ الْقِيَامَةِ كَاَنَّمَا اَنْظُرُ اِلٰى كَفِّيْ هَذِهِ يعنې بے شکه الله پاک زما د پاره دُنيا راوچته کړه، پس زۀ دا او تر قيامته پورې چې پۀ دې کښې څۀکيدونکي دي، ټول داسې وينم، لکه څنګه چې د خپل لاس دا تَلے وينم۔([1])
سُبْحٰنَ اللہ! څومره ښکلے شان دے خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ۔۔۔!! ټوله زمکه د کومې ټوله رقبه چې تقريباً 510 ملينه مربع کلو ميټره ده، رسولِ هاشمي مُحَمَّد عربي صَلَّى اللهُ عَلَيْهِ وَاٰلِهٖ وَسَلَّم د مدينے منورې پۀ زمکه ناست دے او داسې يـې ويني لکه څنګه چې انسان د خپل لاس تلے ويني۔
خوږو او محترمو اِسلامي وروڼو! اوس د دې حديث شريف پۀ يو بل اړخ باندې غور وکړئ! خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم صرف دا اونۀ وئيل چې اوس پۀ دُنيا کښي څۀ موجود دي زۀ هٰغه ټول وينم بلکې اوئې فرمائيل: (اوس چې څۀ دي هغه خو وينم، د هغې سره سره) تر قيامته پورې چي به څۀ کيږي، زۀ هٰغه هر څۀ هم وينم۔