الله پاک چې د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم  دا کوم صفت ذِکر کړے چې هغوئي خَاتَمُ النَّبِیِین دي، د ټولو نه اخري نبي دے۔ ياد ساتئ چې دا صرف يو صفت نۀ دے، صرف يو فضيلت نۀ دے بلکې دا وصفِ مصطفٰے د ډيرو اوصافو مجموعه ده۔

هغه څنګه۔۔۔؟ واورئ! زمونږه خوږ آقا صَلَّى اللهُ عَلَيْهِ وَاٰلِهٖ وَسَلَّم  اخري نبي دے، يعنې د ټولو اخري هادي (هدايت ورکولو والا) دے، پۀ دې ځائے کښې يعنې د نبوت پۀ معامله کښې د اخري کيدو ډيرې تقاضې دي، مثلاً

(1): د خوږ مصطفےٰ صَلَّى اللهُ عَلَيْهِ وَاٰلِهٖ وَسَلَّم  د عِلم فراختيا

* د اخري نبي کيدو مطلب دے چې اوس به تر قيامته پورې يو نوے نبي هم نۀ راځي، ځکه ضروري دي چې کوم اخري نبي وي، د هغوئي سره تر قيامته پورې د معاملاتو عِلم هم وي، نو بيا به تر قيامته پورې هدايت کافي کيدے شي۔ کوم چې اخري نبي وي خو د يو څو صدو معلومات لري، د هغې نه مخکښې عِلم د هغوئي سره نۀ وي نو ظاهره ده چې هغوئي به راتلونکو نسلونو ته هدايت نۀ شي ورکولے، چې راتلونکو نسلونو ته هدايت نۀ شي ورکولے نو د نوي نبي ضرورت به راپيښيږي۔ ځکه ضروري دي چې کوم اخري نبي وي، د هغوئي سره تر قيامته پورې د ټولو حالاتو عِلم وي، هٰغه اخري نبي صَلَّى اللهُ عَلَيْهِ وَاٰلِهٖ وَسَلَّم  تر قيامته پورې د راتلونکي هر يو ساعت، د هرې يوې صدۍ، د هرې يوې معاشرې، د هر قِسمه جدت، پۀ هر دور کښې د بدليدونکو انساني طبيعتونو، رسمونو او رواجونو نه ښۀ خبر وي، نو بيا هغه تر قيامته پورې د راتلونکو د پاره د هدايت ذريعه ګرځيدے شي۔ لهذا چې الله پاک کله وفرمائيل:

وَ لٰكِنْ رَّسُوْلَ اللّٰهِ وَ خَاتَمَ النَّبِیّٖنَؕ                  (پارہ:22، سورۀ احزاب:40)

ترجمهٴ کنزُ العِرفان: خو د الله رسول دے او د ټولو نبيانو نه پۀ اخره کښې تشريف راوړونکے دے۔