Book Name:Khatm e Daur e Risalat Pe Lakhon Salam
خوږو او محترمو اِسلامي وروڼو! کله چې خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم دُنيا ته تشريف راوړلو، هٰغه وخت د نبي کريم صَلَّى اللهُ عَلَيْهِ وَاٰلِهٖ وَسَلَّم مور بي بي حضرت سيده آمنه رَضِىَ اللهُ عَـنْها ډير عجائبات وليدل، د الله پاک د قدرتونو يـې ډيرې نظارې وکړې۔ پۀ هغې کښې يوه واقعه بيانوي ، فرمائي: څۀ چې ما ليدلي وو لا پۀ هغې باندې حيرانه ووم چې ناڅاپه درې نُوراني کسان زما مخې ته ظاهر شول، د هغوئي پۀ مخونو باندې دومره نُور وو، دومره نُور وو، داسې ښکاريدله لکه چې نمر د هغوئي پۀ مخونو کښې راختلے وي * پۀ هغوئي کښې د يو سره د سپينو زرو ښکلے جګ وو، د کوم نه چې د مشکو خوشبوئي راتلله * د دويم پۀ لاس کښې شين د زمرودو د 4 ګوټونو والا غټ تالے وو * د دريم پۀ لاس کښې د ريښمو پۀ جامو کښې څۀ څيز رانغښتے شوے وو۔ دويم کس د کوم پۀ لاس کښې چې غټ تالے وو، هغه تالےد مکي مَدَني، رسولِ هاشمي، مُحَمَّدِ عربي صَلَّى اللهُ عَلَيْهِ وَاٰلِهٖ وَسَلَّم مخې ته کړو او عرض يـې وکړو: اے مُحَمَّد صَلَّى اللهُ عَلَيْهِ وَاٰلِهٖ وَسَلَّم ! دا دُنيا ده، تاسو خوښه کړئ چې کوم ګوټ خوښوئ؟ سيده آمنه رَضِىَ اللهُ عَـنْها فرمائي: پۀ دې اوريدو زۀ پۀ تجسس کښې شوم چې وګورم چې زما ځوي کوم يو ګوټ خوښوي، پۀ دې کښې محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم خپل لاس مبارک راوچت کړو او د تالي پۀ مينځ کښې يـې کيښودو۔ هٰغه کَس درې کرته ووئيل: د کعبې پۀ رَبّ مې دې قَسم وي! تاسو کعبه خوښه کړه، الله پاک به کعبه ستاسو قبله مقرره وي۔
دو عالَم میں روشن ہے اِکَّا تمہارا ہوا لامکاں تک اُجالا تمہارا
بنایا تمہیں حق نے مختار و حاکِم وہ کیا ہے نہیں جس پہ قبضہ تمہارا
بتوں سے کیا پاک قبلہ بنایا ہے مَمنُون و شاکِر یہ کعبہ تمہارا