Book Name:Mahboobiyat e Mustafa
د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم محبوبيت
خوږو او محترمو اِسلامي وروڼو! الله پاک فرمائي:
مَا وَدَّعَكَ رَبُّكَ وَ مَا قَلٰىؕ(۳) (پارہ:30، سورۀ الضحیٰ:3)
ترجمهٴ کنزُ العِرفان: ستا رَب تۀ نۀ پريښودے يـې او نۀ يـې ناخوښه کړے يـې۔
دا آيت مبارک د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د محبوبيت مختصر بيان دے، هسې د الله پاک د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم سره څومره محبت دے، مونږ د دې هډو اندازه نۀ شو لګولے، مونږ د دې محبت اندازه که زيات نه زياته بيانولے شو نو صرف بس هم دومره چې
کسی کو کسی سے ہوئی ہے نہ ہو گی خُدا کو ہے جتنی محبّت کسی کی([1])
غرض دا چې د الله پاک د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم سره څنګه محبت دے؟ څومره محبت دے؟ مونږ ته معلومه نۀ ده، نۀ ترې خبريدے شو، البته پۀ دې آيت مبارک کښې د دې محبت څۀ نا څۀ نظاره پۀ نظر راځي۔
د وَحي ايساريدو يو څو حِکمتونه
د ټولو نه وړومبے خو پۀ دې خبره باندې غور وکړئ چې د يو څو ورځو د پاره وَحي راتلل بند شوي وو غير مسلمو دې ته پۀ غلط نظر وکتل، د دې نه يـې منفي نتيجه ويستله، هغوئي وګڼله چې وحي نۀ نازليږي ځکه د دې نه معلوميږي چې د مُحَمَّد صَلَّى اللهُ عَلَيْهِ وَاٰلِهٖ وَسَلَّم رَبّ هغوئي پريښودے دے، د هغوئي نه ناراضه شوے دے۔ د هغوئي خپل يو نظر وو، ظاهره ده چې څنګه دِماغ وي، هم هٰغسې سوچ وي، کافرانو منفي سوچ وکړو، الله پاک وفرمائيل:
مَا وَدَّعَكَ رَبُّكَ وَ مَا قَلٰىؕ(۳) (پارہ:30، سورۀ الضحیٰ:3)
ترجمهٴ کنزُ العِرفان: ستا رَب تۀ نۀ پريښودے يـې او نۀ يـې ناخوښه کړے يـې۔