Book Name:Mahboobiyat e Mustafa
وضاحت: څومره چې د الله پاک د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم سره محبت دے، پۀ کائنات کښې دومره محبت د هيچا د چا سره نشته۔ اے خوږه آقا صَلَّى اللهُ عَلَيْهِ وَاٰلِهٖ وَسَلَّم! څۀ چې ستاسو رضا ده، د الله پاک هم هٰغه رضا ده، کومه چې ستاسو خوشحالي ده، د الله پاک هم هٰغه خبره خوښه ده۔ د الله پاک د نبي کريم صَلَّى اللهُ عَلَيْهِ وَاٰلِهٖ وَسَلَّم سره دومره محبت دے چې هٰغه رَبِّ کائنات ټول جهان د هغوئي پۀ قبضه او اختيار کښې ورکړے دے، د دې نه معلوميږي چې د الله پاک د نبي کريم صَلَّى اللهُ عَلَيْهِ وَاٰلِهٖ وَسَلَّم زړۀ خوشحالول څومره خوښ دي۔
خوږو او محترمو اِسلامي وروڼو! دا آيت مبارک د کوم چې مونږه د اوريدو سعادت حاصِل کړو، پۀ دې کښې د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم بے مثله شان بيان شوے دے، د آيت مبارک د وضاحت اوريدو نه مخکښې يو ايمان تازه کوونکے روايت واورئ!
د جبريل عَلَیْهِ السَّلَام د خوږ آقا صَلَّى اللهُ عَلَيْهِ وَاٰلِهٖ وَسَلَّم سره محبت
روايت دے چې د فَترتِ وَحي (يعنې د وَحي د ايساريدو د ورځو) نه پس چې کله حضرت جبريلِ امين عَلَیْهِ السَّلَام وحي راوړله او راغلو نو خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم وفرمائيل: تاسو نۀ راتلۍ، زما ستاسو د راتلو ارمان وو؟ حضرت جبريلِ امين عَلَیْهِ السَّلَام عرض وکړو: کُنْتُ اِلَیْکَ اَشْوَق وَ لٰکِنِّیْ عَبْدًا مَاْمُوْرًا يعنې (يا رسولَ الله صَلَّى اللهُ عَلَيْهِ وَاٰلِهٖ وَسَلَّم!) زما هم ستاسو پۀ بارګاه کښې د حاضرۍ سره ډير زيات شوق وو خو زۀ بنده يم، د الله پاک د حکم پابند يم۔ ([1])
نہ لگتا تھا سدرہ پہ جبریل کا دِل
گوارا نہ تھی ان کو فرقت نبی کی([2])