Book Name:Mahboobiyat e Mustafa
ذِيشان صَلَّى اللهُ عَلَيْهِ وَاٰلِهٖ وَسَلَّم رښتونے نبي دے۔ دا صِرف يوه واقعه نۀ ده، تاسو د تفسير صِراطُ الـجنان پۀ مدد سره د ټولو قرآني آيتونو شانِ نزول راجمع کړئ! هغه ولولئ نو معلومه به شي چې اَلْحَمْدُ لِلّٰہ! پۀ هره موقع باندې الله پاک د قرآني آيتونو پۀ نازلولو د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم تائيد او مدد فرمائيلے دے۔
خير! دا يو ښکلے آيت مبارک دے:
مَا وَدَّعَكَ رَبُّكَ وَ مَا قَلٰىؕ(۳) (پارہ:30، سورۀ الضحیٰ:3)
ترجمهٴ کنزُ العِرفان: ستا رَب تۀ نۀ پريښودے يـې او نۀ يـې ناخوښه کړے يـې۔
د دې آيت مبارک پۀ ضِمن کښې د محبوبِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم نور هم ډير شانونه بيان شوي دي، وخت کم دے ځکه پۀ اخره کښې د دې آيت مبارک پۀ باره کښې يوه ايمان تازه کوونکې بله نکته واورئ!
د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم د غلامانو فضيلت
اِمام فخرُ الدِّين رازي رَحْمَةُ اللهِ عَلَيْه دا ايمان تازه کوونکې نکته بيان کړې ده، خُلاصةً يـې عرض کووم، هغوئي ليکلي دي: الله پاک فرمائيلي دي:
مَا وَدَّعَكَ رَبُّكَ وَ مَا قَلٰىؕ(۳) (پارہ:30، سورۀ الضحیٰ:3)
ترجمهٴ کنزُ العِرفان: ستا رَب تۀ نۀ پريښودے يـې او نۀ يـې ناخوښه کړے يـې۔
دلته وګورئ چې الله پاک څوک نۀ دے پريښودے؟ فرمائي: ک اے محبوبه! تاسو مې نۀ يۍ پريښودي۔ الله پاک د چا نه نۀ دے ناراضه شوے؟ پۀ آيت کښې د دې ذِکر نشته۔ لهذا اوس د آيت مفهوم به صِرف دا نۀ وي چې اے محبوبه! الله پاک ستاسو نه نۀ دے ناراضه شوے، بلکې معنیٰ ده چي: الله پاک ناراضه نۀ شو۔ د چا نه ناراضه نۀ شو؟ اِمامِ رازي رَحْمَةُ اللهِ عَلَيْه فرمائي: مطلب دا دے چې * اے محبوبه! الله پاک ستاسو نه هم ناراضه