الله! الله! دا زما د خوږ محبوب صَلَّى اللهُ عَلَيْهِ وَاٰلِهٖ وَسَلَّم ځانګړے شان دے۔۔۔!! نبي کريم     صَلَّى اللهُ عَلَيْهِ وَاٰلِهٖ وَسَلَّم هر وخت، هر ساعت د الله پاک پۀ حفاظت او رحمت، کرم او نصرت او مدد او تائيد باندې سرفراز دے۔

د قرآنِ کريم د لږ لږ نازليدو يو حِکمت

خوږو او محترمو اِسلامي وروڼو! زمونږه خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم مُؤَیَّد بِاللہ دے يعنې هغوئي الله پاک پۀ خپل خاص تائيد او مدد سره سرفراز کړے دے، د دې يو مثال دا هم دے چې * الله پاک پۀ حضرت موسیٰ عَلَیْهِ السَّلَام باندې تورات شريف نازل کړو نو ټول تورات شريف يـې پۀ يو ځائے نازل کړو * پۀ حضرت داؤد عَلَیْهِ السَّلَام باندې يـې چې زبور شريف نازل کړو نو ټول زبور شريف يـې پۀ يو ځائے نازل کړو * پۀ حضرت عيسیٰ عَلَیْهِ السَّلَام باندې يـې چې انجيل شريف نازل کړو نو ټول انجيل شريف يـې پۀ يو ځائے باندې نازل کړو خو پۀ محبوبِ کريم صَلَّى اللهُ عَلَيْهِ وَاٰلِهٖ وَسَلَّم باندې يـې چې کله قرآنِ کريم نازلول غوښتل نو ټول قرآنِ کريم يـې پۀ يو ځل باندې نازل نۀ کړو بلکې پۀ 23 کاله موده کښې يـې لږ لږ نازل کړو۔

 اخر ولې؟ ټول قرآنِ کريم پۀ يو ځل باندې ولې نازل نۀ کړے شو؟ پۀ دې کښې هم يو قِسم له د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم تائيد دے، تاسو قرآني آيتونه او د هغې شانِ نزول ګورئ! * زما خوږ محبوب صَلَّى اللهُ عَلَيْهِ وَاٰلِهٖ وَسَلَّم ته چې کله هم څۀ اهمه مسئله راپيښه شوي نو الله پاک وَحي فرمائيلې  * چې کله هم څۀ اهمه واقعه پيښه شوې نو الله پاک وحي نازله کړې * د دِين پۀ تبليغ کښې که څۀ مشکل مخې ته راغلےنو الله پاک وَحي نازله کړې * کافِرانو چې نبي کريم صَلَّى اللهُ عَلَيْهِ وَاٰلِهٖ وَسَلَّم ته څۀ تکليف ورسولے نو الله پاک وَحي نازله کړې * غير مسلمو چې د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم زړۀ ته څۀ تکليف رَسَوَلے  نو رَبِّ کريم به د قرآني آيتونو پۀ ليږلو تسلي فرمائيلې * منافقانو