سيده حليمه رَضِىَ اللهُ عَـنْها فرمائي: پۀ لاره کښې پۀ يو ځائے کښې ما وليدل چې 40 غير مسلمه راجمع وو، هغوئي تورې راويستې وې او د مُحَمَّد صَلَّى اللهُ عَلَيْهِ وَاٰلِهٖ وَسَلَّم پۀ باره کښې يـې خبرې کولې، کله چې هغوئي خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم وليدلو نو اوئې وئيل:      وَیْحَکُمْ ہٰذَا ہُوَ الْغُلَام فَاقْتُلُوْہُ ستاسو دې خرابي وي، دا هم هغه دے، دا قتل کړئ! (مَعَاذَ الله!)

سيده حليمه رَضِىَ اللهُ عَـنْها فرمائي: د هغوئي دا خبره چې مې واوريدله نو زما د خُلې نه بے اِختياره ووتل: وَا مُحَمَّداہ! آہ...!! مُحَمَّد! بس زما پۀ ژبه دا راتلل وو چې محبوبِ خُدا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم خپلې مبارکې سترګې وغړولې، اسمان ته يـې وکتل، بس د نبي کريم صَلَّى اللهُ عَلَيْهِ وَاٰلِهٖ وَسَلَّم نظر مبارک چې څنګه پۀ اسمان باندې پريوتو نو ناڅاپه د اسمان نه يو وور راغلو کوم چې هٰغه 40 واړه غير مسلمه وسيزل او اِيره اِيره يـې کړل۔ ^([1])

نُورِ خُدا ہے کفر کی حرکت پہ خندہ زن                       پھونکوں  سے  یہ  چراغ  بجھایا  نہ  جائے  گا ^([2])

سُبْحٰنَ اللہ! وګورئ چې الله پاک د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم سره څنګه محبت دے۔۔۔!! د نبي کريم صَلَّى اللهُ عَلَيْهِ وَاٰلِهٖ وَسَلَّم څنګه څنګه حفاظت وکړے شو، غرض دا چې محبوبِ ذِيشان صَلَّى اللهُ عَلَيْهِ وَاٰلِهٖ وَسَلَّم هٰغه د اوچتې مرتبې هستي ده چې د کله نه الله پاک د هغوئي نُور مبارک پيدا کړے دے، د هٰغه وخت نه تر اوسه پورې هر ساعت، هره ورځ، هره ګينټه د الله پاک د کرم نظر او محبت، حفاظت د نبي کريم صَلَّى اللهُ عَلَيْهِ وَاٰلِهٖ وَسَلَّم سره دے۔

د خوږ آقا صَلَّى اللهُ عَلَيْهِ وَاٰلِهٖ وَسَلَّم ځانګړے شان

خوږو او محترمو اِسلامي وروڼو! پۀ دې ځائے کښې يوه ډيره ښکلې او ايمان تازه کوونکې نکته ده۔ الله پاک پۀ قرانِ کريم کښې د خپل نبي حضرت عيسیٰ عَلَیْهِ السَّلَام شان بيان کړے، ارشاد دے: