پۀ خوږ آقا صَلَّى اللهُ عَلَيْهِ وَاٰلِهٖ وَسَلَّم باندې د رَبِّ رحمان عطاګانې

الله! الله! اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! لږ د غور کولو مقام دے، د زدکړې خبره ده، الله پاک د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم سره څنګه محبت کوي، پۀ نبي کريم صَلَّى اللهُ عَلَيْهِ وَاٰلِهٖ وَسَلَّم باندې د کرم څنګه څنګه بارانونه راوريږي، الله پاک چې د کله نه د خپل خوږ محبوب صَلَّى اللهُ عَلَيْهِ وَاٰلِهٖ وَسَلَّم نُور مبارک پيدا کړے، د هٰغه وخت نه يـې دا پاک نُور پۀ خپل خاص حفاظت کښې وساتو * هم د هغوئي نُور مبارک يـې د حضرت آدم عَلَیْهِ السَّلَام پۀ تندي مبارک کښې کيښودو او پۀ فرښتو باندې يـې ورته سجده وکړه * بيا چې دغه نُور مبارک د حضرت شيث عَلَیْهِ السَّلَام پۀ تندي مبارک کښې وځليدو نو پۀ هر ميدان کښې ورته فتح عطا کړے شوه * بيا چې هم دغه نُور مبارک د حضرت نُوح عَلَیْهِ السَّلَام پۀ تندي مبارک کښې روښانه شو نو د طوفانِ نُوح سره ټوله دُنيا غرقه کړے شوه خو حضرت نُوح عَلَیْهِ السَّلَام او د هغوئي ملګري د کشتۍ پۀ ذريعه محفوظ کړے شو * بيا چې هم دغه نُور مبارک د حضرت ابراهيم عَلَیْهِ السَّلَام تندي مبارک ته راغلو نو د نمرود د بل کړے شوي هٰغه لوئي وور نه د هغوئي حفاظت وکړے شو او وور ګلِ  ګلزار جوړ کړے شو * بيا چې هم دغه نُور مبارک د حضرت اسماعيل عَلَیْهِ السَّلَام پۀ تندي مبارک کښې وځليدو نو د هغوئي پۀ فديه کښې جنَّتي ګډ راوستے شو، غرض دا چې زما د خوږ آقا صَلَّى اللهُ عَلَيْهِ وَاٰلِهٖ وَسَلَّم ښکلے مبارک نُور چې د کله نه پيدا شوے، هر ساعت د هغۀ حفاظت وکړے شو، پۀ دې مبارک نُور باندې د رحمت او عطاګانو باران راوريدو، تر دې پورې چې نبي کريم صَلَّى اللهُ عَلَيْهِ وَاٰلِهٖ وَسَلَّم ظاهري دُنيا ته تشريف راوړلو۔

محبوب ہو تم خالقِ کل، مالِکِ کل کے                       کیوں خلق پہ قبضہ نہ ہو سرکار تمہارا

تم پیارے نبی نُورِ جلی، سِرِّ خفی ہو                             اللہ تَعَالیٰ ہے  خبردار  تمہارا^([1])