Book Name:Mohabbat e Rasool Ke Waqiat
د ذات والا صفتونه مونږ ته د ځان نه هم زيات محبوب پکار دي۔ اګرچه مونږه پۀ ژبه خوږ آقا صَلَّى اللهُ عَلَيْهِ وَاٰلِهٖ وَسَلَّم ته د خپل ځان نه زيات محبوب وايو او د محبت دعوې کوو خو صرف دومره وئيل کافي نۀ دي بلکې عملي طور د پوره پوره محبت اظهار هم پکار دے۔ زمونږه بزرګانِ دِين رَحْمَةُ اللهِ عَلَيْهم به صرف د خبرو غازيان نۀ وو بلکې د هغوئي په کردار کښې به د محبت رسول دليل ښکاريدو، د هغوئي د مدينے د سرکار صَلَّى اللهُ عَلَيْهِ وَاٰلِهٖ وَسَلَّم سره دومره عشق وو چې چې مثال يې نۀ ميلاؤيږي، هغوئي به د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د هرې ادا د اِختيارولو کوشش کولو تر دې پورې چې که يو حديثِ پاک به يـې بيانولو او د خوږ آقا صَلَّى اللهُ عَلَيْهِ وَاٰلِهٖ وَسَلَّم يوه خاص ادا به اختيارول وو نو صحابۀ کرامو رَضِىَ اللهُ عَـنْهُم به هم د هٰغه حديثِ پاک پۀ بيانولو کښې هٰغه خاص ادا اختياروله۔
د بيان په دوران کښې مسکے شو...!!
حضرت عبد الله بن مسعود رَضِیَ اللہُ عنہ چې صحابي رسول دے، يو ځل هغوئي يو حديث مبارک بيانولو، د بيان په دوران کښې (لا حديث مبارک پوره شوے هم نه وو، د هغې په دوران کښې) د هغوئي رَضِیَ اللہُ عنہ په شونډو باندې مسکا خوره شوه۔ حاضرينو ته يـې اوفرمائيل: تاسو زما نه تپوس نه کوئ چې زۀ ولې مسکے شوم؟ ټولو عرض اوکړو: تاسو ولې مسکے شوئ؟ ارشاد يـې اوفرمائيل: کله چې رسولِ هاشمي، مکي مدني صَلَّی اللہُ عَلَیْہِ وَ آلِہٖ وَسَلَّم دا واقعه بيانوله نو هغوئي صَلَّی اللہُ عَلَیْہِ وَ آلِہٖ وَسَلَّم هم مسکے شوے وو۔ بس د هم دې ادائے مصطفٰی ادا کولو د پاره زۀ هم مسکے شوم۔([1])
خوږو او محترمو اِسلامي وروڼو! تاسو وکتل چې صحابۀ کرامو رَضِىَ اللهُ عَـنْهُم به پۀ سُنَّت باندې د عمل کولو څنګه جذبه لرله! هغوئي به د الله پاک د اخري نبي صَلَّى اللهُ عَلَيْهِ وَاٰلِهٖ وَسَلَّم