وضاحت: يعنې سر ټيټولو سره سجده کول جائز نۀ ده نو ښۀ ده مونږه د شريعت حکم منو او هغوئي ته سجده نۀ کوو خو اے بې قراره زړۀ! هغوئي ته داسې سلامي پيش کړه چې د دې سلامئ نه سر هم خبر نۀ شي۔

صَـــلُّـو ا     عَــلَـي     الـحَـبِــيـب!                                 صَــلَّـي اللهُ   تَعالٰـي     عَــلـٰي   مُـحَـمَّد

د ځناورو د محبت اظهار

خوږو او محترمو اسلامي وروڼو! دا يوه ښکلې، د مينې ډکه، د ادب او تعظيم نه ډکه واقعه مونږه واوريده، په دې غور وکړئ! کله چې ګران آقا، مکي مَدَني مصطفٰی صَلَّی اللہُ عَلَیْہِ وَ آلِہٖ وَ سَلَّم تشريف راوړو نو اوښ څومره په کمال انداز سره د خپلو محبتونو زبردست اظهار اوکړو۔ د حُضور صَلَّی اللہُ عَلَیْہِ وَ آلِہٖ وَ سَلَّم په ليدو فوراً په منډه حاضر شو او د ورتلو سره فوراً په سجده پريوتو۔

خوږو او محترمو اسلامي وروڼو! ګران آقا، مکي مدني مصطفٰی صَلَّی اللہُ عَلَیْہِ وَ آلِہٖ وَ سَلَّم سره چې ځناورو کوم د مينې اظهار کړے دے، سُبْحٰنَ اللہ! دا هم يوه جدا موضوع ده * په رواياتو کښې دي: د ګران آقا صَلَّی اللہُ عَلَیْہِ وَ آلِہٖ وَ سَلَّم د نيکه حضرت عبد المُطَّلِب رَضِیَ اللہُ عنہ په تندي مبارک کښې به نورِ مصطفٰی ځليدو، په هٰغه وخت کښې به چې هغوئي رَضِىَ اللهُ عَـنْه ځنګل ته لاړو نو زمري به حاضر شول او عرض به يـې کولو: اے عبد المُطَّلِب (رَضِیَ اللہُ عنہ) په ما سورلي اوکړئ! چې د نورِ مصطفٰی صَلَّی اللہُ عَلَیْہِ وَ آلِہٖ وَ سَلَّم د خدمت شرف راته نصيب شي۔

* سيده عائشه صِدِّيقه رَضِیَ اللہُ عنہا فرمائي: خوږ محبوب صَلَّی اللہُ عَلَیْہِ وَ آلِہٖ وَ سَلَّم يو ځل په کور مبارک کښې غويا ساتلے وو، د هغه غوئي عادت وو چې ټوپونه به يـې وهل، (خو د هغۀ د محبتِ رسول نه قربان...!!) کله به يـې چې د رسولِ اکرم، نورِ مُجَّسَم صَلَّی اللہُ عَلَیْہِ وَ آلِہٖ وَ سَلَّم راتلل محسوس کړل نو په آرام سره به کښيناستو، تر څو چې به حضور نبي کريم صَلَّی اللہُ عَلَیْہِ وَ آلِہٖ وَ سَلَّم په کور