چې! د سر نه تر پښو پورې زمونږه ټول وجود د سنت په قالب کښې داسې واچولے شي چې د سنتو نمونه جوړ شو۔ اٰمِین بِجَاہِ خَاتَمِ النَّبِیِّيْن صَلَّى اللهُ عَلَيْهِ وَاٰلِهٖ وَسَلَّم ۔

اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو!  اَلْحَمْدُ لِلّٰہ! د نن سبا د فتنو نه پۀ دې ډک وخت کښې د عاشقانِ رسول دِيني تنظيم دعوتِ اِسلامي مونږ ته د غيرو د پريښودو او د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د کرم د لَـمن د نيولو، د غيرو د طور طريقو او د فيشن پريښودو او د خوږ آقا صَلَّى اللهُ عَلَيْهِ وَاٰلِهٖ وَسَلَّم د ښکلو ښکلو پاکو سُنَّتو د اختيارولو درس راکوي او پۀ دې کښې د دُنيا او د اخرت کاميابي ده۔

پۀ سُنَّت طريقه جامې

خوږو او محترمو اِسلامي وروڼو! د فيشن والا جامې پريږدئ او د سُنَّتو والا جامې اختيار کړئ۔

پۀ جامو کښې سُنَّت دا دي چې * د قميص د لَـمن اوږد والے تر نيمو پنډو پورې وي * د لستونړو اوږد والے زيات نۀ زيات د ګوتو د سَرونو پورې * پلن والے يوه لويشت وي * د نارينه پرتوګ يا پاجامه د ګيټو نه بره وي۔ د بده مرغه نن مونږ له پينسې د ګيټو نه پۀ بره ساتلو شرم راځي حالانکې دا د سرکار صَلَّى اللهُ عَلَيْهِ وَاٰلِهٖ وَسَلَّم ښکلي ښکلي سُنَّت او د صحابۀ کرامو رَضِىَ اللهُ عَـنْهُم او د اوليائے کرامو رَحْمَةُ اللهِ عَلَيْهم طريقه ده، خو ډير عوام د دې سُنَّت نه محرومه دي او پينسې د ګيټو نه ښکته ساتي۔

ياد ساتئ چې د تکبر پۀ وجه د پاجامې يا د پرتوګ پينسې د ګيټو نه ښکته ساتل حرام او دوزخ ته بوتلونکے کار دے او پۀ دې باندې د سخت عذاب وعيد دے۔ لکه څنګه چې پۀ دې حديثِ پاک کښې دي: د تهبند (يعنې پرتوګ) چې کومه حصه د ګيټو نه لاندې ده هغه پۀ وور کښې ده^([1]) * پۀ يو بَل حديثِ پاک کښې دي: يو کَس پۀ تکبر سره خپل