Book Name:Mohabbat e Rasool Ke Waqiat
حضرت اَنس رَضِىَ اللهُ عَـنْهُ فرمائي چې يو درزي رسول الله صَلَّى اللهُ عَلَيْهِ وَاٰلِهٖ وَسَلَّم له دعوت ورکړه، زۀ هم د نبي کريم صَلَّى اللهُ عَلَيْهِ وَاٰلِهٖ وَسَلَّم سره پۀ دعوت کښې شريک شوم، د وربشو ډوډۍ او خوروا د حضور صَلَّى اللهُ عَلَيْهِ وَاٰلِهٖ وَسَلَّم مخې ته پيش کړے شوه پۀ کوم کښې چې کَدّو او وچه کړے شوې نمکينه غوښه وه، د خوراک کولو پۀ وخت ما رسول الله صَلَّى اللهُ عَلَيْهِ وَاٰلِهٖ وَسَلَّم وليدو چې د لوښي پۀ غاړو کښې د کَدّو ټوټې لټوي، ځکه زما د هٰغه ورځې نه کَدّو خوښ دے۔([1])
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! تاسو وکتل چې صحابۀ کرامو رَضِىَ اللهُ عَـنْهُم به د سرکار صَلَّى اللهُ عَلَيْهِ وَاٰلِهٖ وَسَلَّم د خوښې څومره خيال ساتلو خو آه! مونږ پۀ ډيرو معاملو کښې د نبي کريم صَلَّى اللهُ عَلَيْهِ وَاٰلِهٖ وَسَلَّم خوښه او سُنَّت پريږدو * د عقيقې * نِکاح * او د وليمې پۀ شان د سُنَّتو د ادا کولو پۀ موقع باندې مونږه د سُنَّتو پۀ ځائے د فيشن خيال ساتو۔ د فيشن مطابق جامې ګنډو، ويښته کټ کوو او ګيره خيريو او خپل مخ د وور د عبادت کوونکو پۀ شان کوو۔ که مونږه خپل خاندان ته نظر وکړو نو معلومه به شي چې د خاندان د يو کَس هم د زلفو د ساتلو سعادت نۀ دے نصيب شوے حالانکې زلفې ساتل د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم ښکلي ښکلي سُنَّت دي، نبي کريم صَلَّى اللهُ عَلَيْهِ وَاٰلِهٖ وَسَلَّم هميشه زلفې ساتلې دي * کله دغوږونو نيمي پورې * کله پوره غوږونو پورې * او کله چې به زياتې غټې شوې نو مبارکو اُوګو سره به لګيدلې۔ ([2])
د ګِيرې څۀ ښکلے شان، زمونږه خوږ آقا، مدني مصطفٰی صَلَّى اللهُ عَلَيْهِ وَاٰلِهٖ وَسَلَّم به د ګيرې