Book Name:Mohabbat e Rasool Ke Waqiat
د ښکلو ښکلو اداګانو د اختيارولو پوره کوشش کولو او پۀ دې لړ کښې به يـې دې ته هم نۀ کتل چې که مونږه فلانکے کار ونکړو نو ګناه خو مو نۀ کيږي يا فلانکے کار سُنَّتِ مُؤَکِّدَه دے او فلانکے کار سُنَّتِ غير مُؤَکِّدَه دے وغيره وغيره۔ هغوئي به بس دومره کتل چې فلانکے کار نبي کريم صَلَّى اللهُ عَلَيْهِ وَاٰلِهٖ وَسَلَّم پۀ دې طريقه وکړو بيا به يـې هٰغه کار بالکل هم د هٰغې طريقې مطابق د کولو کوشش کولو او د چا تنقيد کوونکي تنقيد ته به يـې نۀ کتل ځکه چې هغوئي ته معلومه وه چې
عقل کو تَنْقِید سے فرصت نہیں عشق پر اَعمال کی بُنیاد رکھ
اے د خوږ نبي صَلَّى اللهُ عَلَيْهِ وَاٰلِهٖ وَسَلَّم عاشقانو! صحابۀ کرام رَضِىَ اللهُ عَـنْهُم داسې زبردسته عاشقانِ رسول وو چې هغوئي به د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم د هرې ادا د اختيارولو د پاره نا قراره وو۔ پۀ دې باره کښې يوه بله د محبت نه ډکه واقعه واورئ۔۔۔!!
حضرت قاضي عياض مالکي رَحْمَةُ اللهِ عَلَيْه پۀ خپل مشهور کتاب شِفاء شريف کښې نقل فرمائي: پۀ يو ځائے کښې حضرت عبد الله بن عمر رَضِىَ اللهُ عَـنْهما خپله اوښه راتاؤ کړه، پۀ وجه پوښتلو باندې يـې ارشاد وفرمائيلو: ما ته د دې نه علاوه هيڅ معلوم نۀ دي چې ما د الله پاک حبيب صَلَّى اللهُ عَلَيْهِ وَاٰلِهٖ وَسَلَّم پۀ دې ځائے کښې پۀ داسې کولو ليدلے وو، ځکه ما هم داسې وکړو۔ ([1])
خوږو او محترمو اِسلامي وروڼو! د صحابۀ کرامو رَضِىَ اللهُ عَـنْهُم پۀ سُنَّت باندې د عمل کولو جذبې ته وګورئ او بل خوا پۀ خپل محبت باندې هم غور وکړئ چې بالکل تش پۀ نوم، د عمل نه خالي او د ژبې د څوکې تر حده پورې محدود دے۔ آه! کله چې زمونږ پۀ مخکښې د