د خوږ مصطفٰے صَلَّى اللهُ عَلَيْهِ وَاٰلِهٖ وَسَلَّم فرمان مبارک

رسولِ ذِيشان، مکي مَدَني سلطان صَلَّى اللهُ عَلَيْهِ وَاٰلِهٖ وَسَلَّم فرمائيلي دي: پۀ تاسو کښې يو کَس هم تر هٰغه وخته پورې (کامِل) مؤمِن کيدےنۀ شي ، تر څو پورې چې زۀ د هغه پۀ نزد د هغۀ د پلار، اولاد او د ټولو خلقو نه زيات محبوب نۀ شم۔ ^([1])

د رسولِ ذِيشان صَلَّى اللهُ عَلَيْهِ وَاٰلِهٖ وَسَلَّم درې حقونه

خوږو او محترمو اِسلامي وروڼو! د خوږ آقا و مولا، مکي مَدَني مصطفٰے صَلَّى اللهُ عَلَيْهِ وَاٰلِهٖ وَسَلَّم پۀ مونږ باندې ډير حقونه دي، پۀ کومو کښې چې مونږه درې حقونه مخکښې زده کړي دي، نن به درې نور زده کوو۔ راځئ چې وړومے د زده کړے شوو حقونو دوهرائي وکړو: (1): پۀ نبي کريم صَلَّى اللهُ عَلَيْهِ وَاٰلِهٖ وَسَلَّم باندې ايمان راوړل (2): د رسول الله صَلَّى اللهُ عَلَيْهِ وَاٰلِهٖ وَسَلَّم ادب او احترام کول او  (3): د رسولِ ذِيشان صَلَّى اللهُ عَلَيْهِ وَاٰلِهٖ وَسَلَّم تابعداري کول۔

راځئ نور درې حقونه زده کوو:

وړومبے حق: محبت کول

وضاحت: د زړۀ مائل کيدو ته محبت وئيلے شي، دا مائل کيدل چې څومره ډير وي، محبت به هٰغه همره ډير وي۔  لهذا د رسول الله صَلَّى اللهُ عَلَيْهِ وَاٰلِهٖ وَسَلَّم سره د محبت معنیٰ دہ: چې زړۀ پۀ سختۍ سره د نبي کريم صَلَّى اللهُ عَلَيْهِ وَاٰلِهٖ وَسَلَّم طرف ته مائل وي۔ ^([2]) دا محبت د دِين اهم فرض بلکې د ايمان بنياد دے چې د دې نه بغير ايمان هډو مکمل کيدے نۀ شي۔ ^([3])

مُحَمَّد کی محبّت دِینِ حق کی شرطِ اَوَّل ہے             اسی میں ہو اگر خامی تو سب کچھ نامکمل ہے

د رسول الله صَلَّى اللهُ عَلَيْهِ وَاٰلِهٖ وَسَلَّم د محبت يو څو عملي تقاضې: * پۀ سُنَّتو باندې عمل کول