سلام بھیجا یہاں تک کہ اللہ  پاک نے آپ کو خوشخبری دیتا اور ڈر سناتا ، اللہ  پاک کے حکم کی طرف بُلاتا اور چمکا دینے والا سورج بنا کر بھیجا اسی طرح اللہ  پاک نے آپ کا نامِ پاک ‌ظَاهِر بھی رکھا کیونکہ اس نے آپ کو تمام دینوں پرغلبہ عطا فرمایا،آپ کی شریعت  و فضیلت کو تمام زمین و آسمان والوں پر ظاہِر کیا تو کوئی ایسا نہ رہا جس نے آپ پر درود نہ بھیجا ہو، اللہ  پاک آپ پر درود (یعنی رحمت) بھیجے  پس آپ کا رَبّ مَحْمُوْد (یعنی تعریف کیا گیا) ہے اور آپ مُحَمَّد (یعنی تعریف کئے گئے ہیں)۔ آپ کا رَبّ اَوَّل و آخر، ظاہِرو باطِن ہے اورآپ بھی (اپنے رب کی عطا سے) اَوَّل و آخر،ظاہِر وباطِن ہیں۔^([1])  

ہم آخری نبی کے آخری اُمَّتی ہیں

پیارے اسلامی بھائیو! اللہ  پاک کا ہم پر بڑا فضل و احسان ہے کہ اس نے ہمیں اپنے پیارے پیارے سب سے آخری نبی، مکی مدنی، مُحَمَّدِ عربی صَلَّی اللہ  تَعَالٰی عَلَیْہِ وَاٰلِہٖ وَسَلَّمَ کا اُمَّتی بنایا، الحمد للہِ ! ہمارے پیارے پیارے آقا، مکے مدینے والے مصطفےٰ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ سارے رسولوں اور نبیوں سے اَفْضَل ہیں اور اللہ  پاک کی رحمت سے آپ صَلَّی اللہ  تَعَالٰی عَلَیْہِ وَاٰلِہٖ وَسَلَّمَ کے صدقے میں آپ کی اُمَّت پچھلی تمام اُمّتوں سے بہتر ہے۔

تیرا مثل نہیں ہے خُداکی قسم

ایک مرتبہ عاشِقِ آخری نبی،سیدی اعلیٰ حضرت  رَحْمَۃُ اللہِ تَعَالٰی عَلَیْہِ کی خِدْمت میں سُوال ہوا: کیا دُنیا میں کوئی دُوسرا مُحَمَّد پیدا ہونا ممکن ہے؟

کتنا انوکھا(Unique) سُوال ہے...!! ایک تَو یہ سوال ہے کہ پیارے آقا، مکی مدنی