کہا تو حضرت آدم عَلَیْہِ السَّلام  نے پوچھا: مَنْ مُحَمَّد؟ یعنی مُحَمَّد کون ہیں؟ جبریل عَلَیْہِ السَّلام  نے کہا: اٰخَرُ وَلَدِکَ مِنَ الْاَنْبِیَاء یعنی مُحَمَّد صَلَّی اللہ  تَعَالٰی عَلَیْہِ وَاٰلِہٖ وَسَلَّمَ آپ کی اَوْلاد میں سے سب سے آخری نبی ہیں۔ ^([1])

حضرت ابراہیم عَلَیْہِ السَّلام  اور عقیدۂ ختم نبوت

طبقات الکبریٰ میں روایت ہے: اللہ  پاک نے اپنے نبی حضرت ابراہیم خلیل اللہ  عَلَیْہِ السَّلام  پر نازِل ہونے والے صحیفوں میں لکھا تھا: (اے ابراہیم!) آپ کی اَوْلاد میں بہت سارے قبیلے(Tribes) ہوں گے، یہاں تک کہ نبی اُمِّی تشریف لے آئیں گے (وہ نبی اُمِّی کون ہیں؟ ارشاد ہوا:) اَلَّذِیْ یَکُوْنُ خَاتَمُ الْاَنْبِیَاءِ وہ جو سب سے آخری نبی ہوں گے۔^([2])

حضرت یعقوب عَلَیْہِ السَّلام   اور عقیدہ ختمِ نبوت

محمد بن کعب قُرَظِی  رَحْمَۃُ اللہِ تَعَالٰی عَلَیْہِ سے روایت ہے: اللہ  پاک نے اپنے نبی حضرت یعقوب عَلَیْہِ السَّلام  کی طرف وحی بھیجی: (اے یعقوب!) میں آپ کی اَوْلاد میں بہت سارے بادشاہ اور نبی پیدا فرماؤں گا، یہاں تک کہ حرمِ محترم والے نبی تشریف لے آئیں گے، وَہُوَ خَاتَمُ الْاَنْبِیَاءِ وَ اِسْمُہٗ اَحْمَد یعنی وہ سب سے آخری نبی ہوں گے اور ان کا نامِ پاک اَحْمَد(صَلَّی اللہُ تَعَالٰی عَلَیْہِ وَاٰلِہٖ وَسَلَّمَ )  ہے۔^([3])

حضرت موسیٰ عَلَیْہِ السَّلام  اور عقیدۂ ختمِ نبوت

حضرت ابوہریرہ رَضِیَ اللہُ تَعَالٰی عَنْہُ سے روایت ہے، آخری نبی، مکی مدنی، مُحَمَّدِ عربی صَلَّی اللہ