Share this link via
جذبۂ عشقِ رسول اور دعوتِ اسلامی
اَلحمدُ لِلّٰہ رَبِّ الْعٰلَمِیْنَ وَ الصَّلٰوۃُ وَالسَّلَامُ عَلٰی سَیِّدِ الْمُرْسَلِیْنَ ط
اَمَّا بَعْدُ فَاَعُوْذُ بِاللّٰہِ مِنَ الشَّیْطٰنِ الرَّجِیْمِ ط بِسْمِ اللہ الرَّحْمٰنِ الرَّ حِیْم ط
جذبۂ عشقِ رسول اور دعوتِ اسلامی
فرمانِ آخری نبی صَلَّی اللہُ تَعَالٰی علیہ وَاٰلِہٖ وَسَلَّم ہے کہ : بروزِ قیامت لوگوں میں سے میرے قریب تر وہ ہوگا جس نے دُنیا میں مجھ پر زیادہ دُرُودِ پاک پڑھے ہوں گے۔ ([1])
صَلُّوا عَلَی الْحَبِیب! صَلَّی اللهُ علٰی مُحَمَّد
حضرت انس رَضِیَ اللہُ تَعَالٰی عَنْہُ سے مروی ہے کہ ایک شخص نے بارگاہِ رسالت میں حاضر ہو کر عرض کی : یا رسول اللہ ! قیامت کب آئے گی؟ آپ نے فرمایا: تم نے قیامت کے لیے کیا تیاری کی ہے؟ اُس نے عرض کی : یا رسول اللہ ! میرے پاس ( نفلی) نمازوروزہ وصدقات کی کثرت تو نہیں مگر میں اللہ پاک او راس کے رسول صَلَّی اللہ تَعَالٰی علیہ وَاٰلِہٖ وَسَلَّم کو سب سے زیادہ محبوب رکھتا ہوں۔ آپ نے ارشاد فرمایا: تم اُسی کے ساتھ ہوگے ، جس کو تم محبوب رکھتے ہو ۔([2])
پیارے اسلامی بھائیو! محبتِ رسول محض ایک جذباتی کیفیت نہیں بلکہ یہ وہ عظیم جذبہ ہے جو ہمارے ایمان کی بنیاد ہے۔ ایک مسلمان کا ایمان اُسی وقت کامل ہوتا ہے جب وہ اپنی جان ، اپنی خواہشات، اپنے اہل و عیال اور دنیا کی ہر شے سے بڑھ کر نبی اکرم صَلَّی اللہ تَعَالٰی علیہ وَاٰلِہٖ وَسَلَّم کو محبوب جانے۔ چنانچہ آخری نبی صَلَّی اللہُ تَعَالٰی علیہ وَاٰلِہٖ وَسَلَّم نے ارشاد فرمایا : لَا یُؤْمِنُ
